Nur təFSİRİ

Bildirişlər

1. Qadınların ictimai işlərdə təsirli rolu var. (Fironun zövcəsi onun fikrini dəyişdi, Fironun səltənət və sərvəti ona mane olmadı.)

2. Düzgün və kəskin təkliflərlə azğın planların qarşısını alaq. Firon öz qərarını açıqlamamış onun zövcəsi məsələnin həlli üçün düzgün yol göstərdi.

3. Təkliflərin bəyanında qəlbəyatımlı sözlərdən istifadə edək.

4. Bütün qəlblər Allahın əlindədir. Allah Fironun qəlbi kimi daş qəlbləri də yumşalda bilər.

5. Pis işlərə öncə mülayimliklə cavab verək. Sonra növbə əmr və qadağanındır.

6. Dil ilə pisliyin qarşısını almaq çox təsirlidir və bunu yaddan çıxarmayaq. (Fironun zövcəsi bir kəlmə ilə Musanın (ə) qətlinin qarşısını aldı. Necə ki, Yusifin qardaşlarından biri bir sözlə Yusifin ölümünün qarşısını ala bildi.)

7. Zalım rəhbərlər ən adi insani hisslərdən məhrumdurlar və bu barədə xatırlamaya ehtiyaclıdırlar.

8. Əmr və qadağanın faydalarından danışaq ki, insanlar asanlıqla qəbul etsinlər.

9. Zalım rejimlərdə qanunlar hisslər və şəxsi mənafelər əsasında tənzimlənir. (Yeni doğulmuş oğlanların qətli göstərişi Fironun şəxsi mənafeyinə əsaslanırdı. Suyun gətirdiyi körpənin gələcəkdə fayda verə biləcəyinə ümid həmin qanunun ləğvinə səbəb oldu.)

10. Bəzi insanlar zahirdə göylə getsələr də, batində öz daxili ehtiyaclarına əsirdirlər. Tanrılıq iddiasında olan Firon nəhayət qəbul edir ki, suyun gətirdiyi bir körpə onun üçün faydalı ola bilər.

11. Fironun oğlan övladı yox idi. Buna görə də suyun gətirdiyi körpəni qəbul etməklə öz acizliyini daha çox anladı.

12. Bəzən qeybi bir xətt insanlar arasında məhəbbət yaranmasına səbəb olur və kimsə bunu hiss etmir.

Ayə 10: