Nöqtələr
Bu ayə hicrətdə ölüm məsələsini önə çəkən əvvəlki ayə ilə bağlı ola bilər. Cavab verilir ki, hicrət zəruri olan zaman ölümdən qorxmayın. Çünki ölüm hamı üçün labüddür. Amma ölüm işin sonu deyil, Bizə doğru qayıdışdır və Biz hicrətin, hicrətdə ölümün mükafatını sizə əta edəcəyik; eləcə də sizi hicrətə məcbur edənlər cəzalandırılacaq. Ola bilsin ki, bu mükafat və cəza bir müddət sonra gerçəkləşsin.
Bildirişlər
1. Ölüm hamı üçündür, kimsə istisna olunmayıb.
2.Ölüm yoxluq yox, dəyişiklikdir.
3. Ölüm son yox, ilkə qayıdışdır.
Ayə 58:
﴿وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا نِعْمَ أَجْرُ الْعَامِلِينَ﴾
“İman gətirib saleh işlər görənləri hökmən altından çaylar axan behişt məskənlərində yerləşdirərik; həmişə orada qalarlar; əməl edənlərin mükafatı necə də gözəldir!”
Dostları ilə paylaş: |
