Nöqtələr
“Göylərdə olan” dedikdə ya Allah əmrinə tabe mələklər, ya da bəşəriyyət tərəfindən hələ ki tanınmamış başqa şüurlu mövcudlar nəzərdə tutulur.
Bildirişlər
1. İlahi dünyagörüşündə bütün varlıq aləmi agahlıq və mütiliklə Allah-təalaya təslim olub baş əyir.
2. Allah bütün baxımlardan - malikiyyətdə, məbudluqda, yaratmaqda və kamillikdə vahid və misilsizdir.
3. İbtidai yaranışa diqqət məadla tanışlığın açarıdır.
4. Xalqın düşüncə səviyyəsində danışın. (Allah üçün bütün işlərin asanlığı aydın olsa da, O bunu qeyd etməyi zəruri bilir.)
5. Allahın sifətləri insanın təsəvvürünün, qələminin və bəyanının fövqündədir.
6. Heç kimi və heç nəyi Allahla müqayisə etməyin.
7. Məad ilahi hikmət və qüdrətin tələbidir.
Ayə 28:
﴿ضَرَبَ لَكُم مَّثَلًا مِنْ أَنفُسِكُمْ هَل لَّكُم مِّن مَّا مَلَكَتْ أَيْمَانُكُم مِّن شُرَكَاء فِي مَا رَزَقْنَاكُمْ فَأَنتُمْ فِيهِ سَوَاء تَخَافُونَهُمْ كَخِيفَتِكُمْ أَنفُسَكُمْ كَذَلِكَ نُفَصِّلُ الْآيَاتِ لِقَوْمٍ يَعْقِلُونَ﴾
“Allah sizin üçün özünüzdən bir misal çəkmişdir: Sizə ruzi etdiyimiz qullarınızı şərik qəbul edirsinizmi ki, onlar ruzidə sizinlə bərabər olsunlar? Bir-birinizdən qorxduğunuz kimi qullarınızdan qorxursunuzmu?! (Bir tikə çörəyə qullarınızla şərik olmaq istəmirsinizsə, ruhsuz bütləri Allaha necə şərik edirsiniz?!) Biz Öz ayələrimizi düşünən qövm üçün bu sayaq şərh edirik.”
Dostları ilə paylaş: | 
