Nur təFSİRİ

Nöqtələr

“Bətş” dedikdə şiddət və qüdrətlə müşayiət olunan qəzəb nəzərdə tutulur.

Bildirişlər

1. Dostların xilaf işinin tənqidi onlardan uzaqlaşmağa və onların haqqını müdafiə etməməyə səbəb olmamalıdır. (Həzrət Musa (ə) ötən ayədə bildirildiyi kimi öz tərəfdarını tənqid etdisə də, yenə də onu himayə etmək fikrindən daşınmadı.)

2. Bəzən moizə kifayət etmir, güc göstərmək də lazım gəlir.

3. İstibdad rejimində məsum körpələri bilərəkdən qətlə yetirən Firon tanrı sayılır. Amma öldürmək məqsədi olmadan kafir düşmənə bir zərbə vuran Musa zalım kimi qəbul edilir.

Ayə 20:

﴿وَجَاء رَجُلٌ مِّنْ أَقْصَى الْمَدِينَةِ يَسْعَى قَالَ يَا مُوسَى إِنَّ الْمَلَأَ يَأْتَمِرُونَ بِكَ لِيَقْتُلُوكَ فَاخْرُجْ إِنِّي لَكَ مِنَ النَّاصِحِينَ﴾

“(Bu arada) bir kişi şəhərin ən uzaq nöqtəsindən tələsik gəlib dedi: “Ey Musa! Həqiqətən, qövm başçıları səni öldürmək üçün məsləhətləşirlər. (Dərhal buradan) xaric ol. Şübhəsiz, mən sənin xeyirxahlarındanam.”

Ayə 21:

﴿فَخَرَجَ مِنْهَا خَائِفًا يَتَرَقَّبُ قَالَ رَبِّ نَجِّنِي مِنَ الْقَوْمِ الظَّالِمِينَ﴾

“(Musa) nigaran və qorxmuş halda şəhərdən xaric oldu. O dedi: Pərvərdigara! Məni bu sitəmkar qövmün əlindən xilas et.”