Nöqtələr
24-30-cu ayələrdə Allahın on sifəti bəyan olundu: “Ğəniyy”, “Həmid”, “Əziz”, “Həkim”, “Səmi”, “Bəsir”, “Xəbir”, “Həqq”, “Əliyy”, “Kəbir”. Hər ayədə müəyyən nöqtələrə işarə olundu. Məsələn, 25-ci ayədə Allahın xaliqliyi, 27-ci ayədə Allahın nemətləri, 28-ci ayədə yaranış və məadda Allahın mütləq qüdrəti yada salındı.
Yalnız Allah, Onun tərəfindən olanlar və ya Ona bağlı olanlar haqdır. Allahdan qeyriləri və ya həmin puç məbudlara bağlı olanlar batil və davamsızdır.
Bildirişlər
1. Allahın bütün iş və sifətlərinin mənşəyi Onun sabit və davamlı olmasıdır.
2. Seçim meyarı haqq və batildir. Təqlid, təbliğ, hədə-qorxu seçim üçün əsas ola bilməz.
3. Həqiqəti aydın və qəti şəkildə bəyan edək.
Ayə 31:
﴿أَلَمْ تَرَ أَنَّ الْفُلْكَ تَجْرِي فِي الْبَحْرِ بِنِعْمَتِ اللَّهِ لِيُرِيَكُم مِّنْ آيَاتِهِ إِنَّ فِي ذَلِكَ لَآيَاتٍ لِّكُلِّ صَبَّارٍ شَكُورٍ﴾
“Görmürsənmi ki, gəmilər Allahın neməti sayəsində dəryada hərəkət edir? Bununla Allah qüdrət nişanələrindən bir hissəsini sizə göstərir. Həqiqətən, bunda (gəmilərin hərəkətində) səbirli və şükür edən insanlar üçün nişanələr var.”
Dostları ilə paylaş: |
