Bu və bundan sonrakı 16 ayə Əhzab döyüşünə aiddir. Bu döyüş hicri 5-ci ildə baş verdi. Yəhudilər, müşriklər və münafiqlər Mədinəni tutmaq məqsədi ilə əl-ələ vermişdilər. Müsəlmanlar Salman Farsinin təklifi və Peyğəmbərin (s) razılığı ilə Mədinə ətrafında xəndək qazdılar. Yerə birinci külüng vuran həzrət Peyğəmbər (s) oldu. Külüng hər dəfə daşdan qığılcım çıxaranda həzrət Peyğəmbər (s) İslamın dünyaya qələbəsini müjdə verirdi. Allah bu savaşda tünd yel əsdirmək və mələkləri nazil etməklə müsəlmanlara əl tutdu.
