Nöqtələr
“Səyyid” sözünün cəm forması olan “sadət” sözü bir cəmiyyətin rəisləri və böyükləri mənasını bildirir. “Kəbir” sözünün cəm forması olan “kumra” sözü yaşca böyüklər, ağsaqqallar mənasını ifadə edir. Bu iki zümrə, adətən, xalqın adət-ənənələrinin formalaşmasında mühüm rol oynayır.
Bildirişlər
1. Ömür boyu heç olmaya bir dəfə “Rəbbəna” deməyən kəs Qiyamət günü peşimançılıq və ah-nalə içində “Rəbbəna” deyə çağırar.
2. Günahkarlar öz xətalarına don geyindirir və başqalarını müqəssir sayırlar.
3. Ata-babalara və cəmiyyətin öncə gedənlərinə kor-koranə təqlid peşimançılığa səbəb olur.
4. Kafirlər Qiyamət günü öz xətalarını etiraf edər. Amma bunun nə faydası?!
Ayə 68:
﴿رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْنًا كَبِيرًا﴾
“Pərvərdigara! Onlara ikiqat əzab ver və böyük bir lənətə uğrat.”
Ayə 69:
﴿يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَى فَبَرَّأَهُ اللَّهُ مِمَّا قَالُوا وَكَانَ عِندَ اللَّهِ وَجِيهًا﴾
“Ey iman gətirənlər! Musanı incidənlər kimi olmayın. Allah onu (haqqında) deyilənlərdən paka çıxardı və o Allahın yanında abır-həya sahibi idi.”
Dostları ilə paylaş: | 
