Nur təFSİRİ

Nöqtələr

Bu ayədə insanın xəlifəliyi dedikdə 3 məna nəzərdə tutulur. Millətlərin millətlərə canişinliyi, Adəm övladlarının Adəmdən öncəki insanlara canişinliyi, insanın Allah tərəfindən canişinliyi.

“Məqt” dedikdə şiddətli qəzəb mənası anlaşılır. Quran dörd əməl müqabilində bu sayaq qəzəb nəzərdə tutur: Küfr, zina¹; deyib əməl etməmək²; məntiqsiz danışıq.³

Bildirişlər

1. İnsanın canişinliyi onu küfrə yox, şükrə sövq etməlidir.

2. İnsanın küfrü Allaha təsirsizdir və onun özünə zərbə vurur.

3. Kafirlər öz küfrünü ata-babalarının və cəmiyyətin boynuna atmasınlar.

4. Küfrün təhlükələri və təsirləri məhdud deyil, hər an artmaqdadır.

5. Küfr bilavasitə xəsarətə səbəb olur. Kafir bir iş görməsə də küfründən zərər çəkir.

6. Günah təhlükələrinin bəyanı günahkarı çəkindirən amillərdəndir.

Ayə 40:

﴿قُلْ أَرَأَيْتُمْ شُرَكَاءكُمُ الَّذِينَ تَدْعُونَ مِن دُونِ اللَّهِ أَرُونِي مَاذَا خَلَقُوا مِنَ الْأَرْضِ أَمْ لَهُمْ شِرْكٌ فِي السَّمَاوَاتِ أَمْ آتَيْنَاهُمْ كِتَابًا فَهُمْ عَلَى بَيِّنَةٍ مِّنْهُ بَلْ إِن يَعِدُ الظَّالِمُونَ بَعْضُهُم بَعْضًا إِلَّا غُرُورًا﴾

“De ki, Allah əvəzinə çağırdığınız şərikləri görmüsünüzü? Göstərin görüm, yerdən yaratdıqları nədir, səmalarda iştirakları varmı? Yoxsa onlara şirklərinə dəlil göstəriləsi kitab vermişik? (Xeyr, elə deyil) sitəmkarlar yalnız bəzilərinin bəzilərinə verdiyi (yalan) əsasında bir-birlərini aldadırlar.”