Nöqtələr
Gəmilərdən və heyvanlardan bəhrələnmə Quranda dəfələrlə ilahi nemətlər kimi yada salınır. Bu ayədə isə övladların hərəkəti məsələsinə toxunulur ki, insan ağıl və qəlbi ilə ilahi nemətləri dərk etsin.
Əgər bu gün su hövzələrindəki tankerlər və bərələr dayanarsa, gündəlik həyat iflic olar. Bundan əlavə, gəmi nəqliyyatı həcmli və ağır yüklərin daşınması üçün ən ucuz nəqliyyatdır.
Bildirişlər
1. Su hövzələrini gəmilərin hərəkətinə münasib yaradan Allahdır. Bu hərəkət ilahi qüdrət nişanələrindəndir.
2. Bəşər həyatının zəruriyyətlərindən olan minik və nəqliyyat vasitələri xüsusi bir nemət, ilahi lütf və tədbir göstəricisidir.
3. Allahın qəhr-qəzəb imkanı qeyri-məhduddur. Gəlin qürrələnməyək.
4. Allahın qəzəbi nazil olsa, kimsə fəryadımıza çatmaz. Özümüzü tam əmin-amanlıqda hiss etməməliyik.
5. Öz qurtuluşumuzu maddi vasitələrdən asılı saymayaq.
6. Hər bir insanın əcəli var və ömrümüz məhduddur.
Ayə 45:
﴿وَإِذَا قِيلَ لَهُمُ اتَّقُوا مَا بَيْنَ أَيْدِيكُمْ وَمَا خَلْفَكُمْ لَعَلَّكُمْ تُرْحَمُونَ﴾
“Onlara deyilsə ki, qarşınızda və arxanızda olandan (dünya və axirət cəzasından) qorxun, bəlkə sizə rəhm olundu (üz çevirib gedərlər.)”
Ayə 46:
﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾
“Rəbbinin nişanələrindən onlar üçün hansı nişanə gəldisə, üz çevirdilər.”
Dostları ilə paylaş: | 
