Məkkə müşriklərindən bir qrupu İslam Peyğəmbərinə (s) bildirdi ki, əgər səninlə birlikdə hidayəti qəbul etsək tez bir zamanda ev-eşiyimizdən qovulub avara qalarıq. Allah üç cavabla onların bəhanələrini rədd etdi: Əvvəla, həmin ayədə işarə olundu ki, Məkkəni əmin-aman və bol ruzili edən Allah yenə də Öz nemətini davam etdirə bilər. İkincisi, sonrakı ayədə bildirilir ki, əmin-amanlığı və mənafeyinizi qorumaq istədiyiniz bir zaman nə üçün Allahın qəzəbi barədə düşünmürsünüz? Üçüncüsü, həmin surənin 6-cı ayəsində bildirilir ki, dünya malına görə iman gətirməməyə dəyərmi? Bilin ki, Allahın yanında olan daha üstün və daha etibarlıdır. Demək, iman gətirməməyə heç bir bəhanə qalmır!
