| ﴿وَقَالَ نُوحٌ رَّبِّ لَا تَذَرْ عَلَى ٱلْأَرْضِ مِنَ ٱلْكَافِرِينَ دَيَّارًا﴾﴿إِنَّكَ إِن تَذَرْهُمْ يُضِلُّواْ عِبَادَكَ وَلَا يَلِدُواْ إِلَّا فَاجِرًا كَفَّارًا﴾
“Nuh dedi: “Pərvərdigara, yer üzündə kafirlərdən birini də saxlama. Əgər onları saxlasan, bəndələrini azdırar, günahkar və kafir doğub törədərlər.”
Nöqtələr
◘Həzrət Nuha vəhy oldu ki, sənin qövmündən iman gətirənlərdən savayı kimsə iman gətirən deyil. (Qeyd)1 950 illik təcrübə insanları tanımaq üçün bəs edirdi. Bu nəsil, hətta bundan sonrakı nəsil doğru yola gələsi deyildi. Ona görə Nuh nifrinə əl atdı.
◘”Dar” sözündən olan “dəyyar” sözü evdə sakin mənasını bildirir.
◘İlahi insanlar özünü düşünmür onlar bu günki və gələcək nəslin hidayəti barədə fikirləşir. Həzrət Nuh təhqirlər eşidib, işgəncələrə məruz qalsa da, yalnız xalq yolundan azdığı üçün nifrin etdi.
Bildirişlər
1. Son mərhələdə nifrinə əl atmaq olar.
2. Həzrət Nuhun risaləti cahanşümul idi.
3. Xalqla onun öz dilində danışın.
4. Cəmiyyətin düşüncə sağlamlığı onun fiziki sağlamlığından mühümdür. Xalqı azdıran fərdlər həlak olsa yaxşıdır.
5. Azdırıcı fərdlər və amillərlə sərt rəftar edilməlidir.
6. Tərbiyə prosesində vərəsəliyin mühüm rolu var.
7. İnsan o qədər tənəzzül edir ki, əməldə və əqidədə onun islahına yol qalmır.
Dostları ilə paylaş: | 
