Ayə 17, 18, 19:
﴿فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا﴾﴿السَّمَآءُ مُنفَطِرٌ بِهِ كَانَ وَعْدُهُ مَفْعُولًا﴾﴿إِنَّ هَذِهِ تَذْكِرَةٌ فَمَن شَاء اتَّخَذَ إِلَى رَبِّهِ سَبِيلًا﴾
“Küfr etsəniz, özünüzü körpələri qocaldan gündən necə qoruyarsınız? Həmin gün səbəbindən səma parçalanar. Bəli, Allahın vədi yerinə yetəsidir. Həqiqətən, bu ayələrdə ibrət var. Hər kim istəyirsə Rəbbinə doğru yol tutsun.”
Nöqtələr
◘”Vildan” sözü yenicə doğulmuş uşaq mənasını bildirən “vəlid” sözünün cəm formasıdır. “Şib” sözü isə saç-saqqalı ağarmış pir mənasını bildirən “əşib” sözünün cəmidir. Beləcə, 17-ci ayə iki cür mənalandırıla bilər:
a) Qiyamət ağrısı bir həddədir ki, yeni doğulmuş uşaq qocalır;
b) Həmin gün o qədər uzundur ki, körpə yaşa dolur. Ayədəki “hazihi” (bu) əvəzliyi surənin əvvəlində qeyd olunmuş gecə nafilə namazına işarə ola bilər. Necə ki, “Dəhr” surəsinin 29-cu ayəsində səcdə və təsbih göstərişindən sonra buyurulur ki, gecə yarı ibadət Allaha doğru bir yoldur, istəyən bu yolu seçsin.
Dostları ilə paylaş: |
