Ayə 32, 33, 34, 35, 36, 37:
﴿كَلَّا وَالْقَمَرِ﴾﴿وَاللَّيْلِ إِذْ أَدْبَرَ﴾﴿وَالصُّبْحِ إِذَا أَسْفَرَ﴾﴿إِنَّهَا لَإِحْدَى الْكُبَرِ﴾﴿نَذِيرًا لِّلْبَشَرِ﴾﴿لِمَن شَاءَ مِنكُمْ أَن يَتَقَدَّمَ أَوْ يَتَأَخَّرَ﴾
“Belə deyil, and olsun aya; and olsun gecəyə döndüyü vaxt; and olsun sübhə aşkarlandığı vaxt; bu (cəhənnəm) ən böyük hadisələrdəndir; xəbərdarlıqdır bəşərə; sizdən önə keçmək və ya dala qalmaq istəyən hər kəs üçün!”
Nöqtələr
◘”Səfər” sözündən olan “əsfər” sözü pərdəni qaldırıb üzə çıxarmaq mənasını bildirir. Hicabsız, örtüksüz qadınlar “safrat” adlanır.
◘”Kubra” sözünün cəm forması olan “kubər” sözü daha böyüklər mənasını bildirir. Yəni ötən ayələrdə haqqında danışılan əzab böyük ilahi əzablardan yalnız biridir. Başqa böyük əzablar da var.
◘Yer ətrafında hərəkət edən, gecəni işıqlandıran, təbii təqvim olan, qabarma-çəkilmələr yaradan ay ilahi ayələrdəndir və ona and içmək olar.
◘Allah-taala Quranda bütün dövrlərə and içir, amma səhər vaxtını üç vaxtla fərqləndirir. (Qeyd)1
◘İmam Kazim (ə) buyurur: “Bizim vilayətimizin qəbulunda önə keçənlər cəhənnəmdən amandadır, bu işdə geri qalanlar cəhənnəm yolunda öndədir.” (Qeyd)2
Bildirişlər
1. Allahın təbiətdə yaratdıqları müəyyən əhəmiyyətlərə malikdirlər və onlara and içilə bilər.
2. İslam Peyğəmbərinin xəbərdarlıqları bütün bəşəriyyətə ünvanlanmışdır.
3. Bəşəriyyətin hidayəti üçün xəbərdarlıq zəruridir.
4. İnsan ixtiyar və iradə sahibidir.
5. Dindar insan başqalarından öndədir, dinsiz insan geri qalmışdır.
Dostları ilə paylaş: | 
