Bildirişlər
1. Canvermə anlarının təsviri dünyaya əsarət zəncirlərini qırmaq üçün ən yaxşı vasitədir.
2. Canvermənin ən ağır məqamı ruhun boğaza yığıldığı andır.
3. Ölümə çarə yoxdur. Elə bir dövr gələr ki, hamı Allahın qüdrətinin qarşısında aciz qalar, öz çarəsizliyini dilə gətirər.
4. İnsanın dünyaya bağlılığı o qədər güclüdür ki, hətta ölüm məqamında öz gedişinə əmin olmaz.
5. Dünyanı sevib axirəti yaddan çıxaranlar bilsinlər ki, bir gün öz əzizlərindən ayrılasıdırlar.
6. Ölüm anı övladlardan, var-dövlətdən, vəzifədən, imkanlardan ayrılıq anıdır.
7. Ölümdən sonra ruh fəallığında qalır. (Ayələrdə puçluq yox, ayrılıqdan danışılır.)
8. Ölüm anları çox ağır anlardır.
9. Allaha doğru hərəkət və qayıdışdan başqa yol yoxdur.
10. Əqidələr əməllər üçün müqəddimədir. Haqqı təsdiqləməyən insan, şübhəsiz ki, namaz qılmayacaq.
11. Bütün dini həqiqətlərin təsdiqi zəruridir. Dini zərurətləri təsdiqləməyən insan əslində dini təsdiqləməmiş olur.
12. İmanın ilkin nişanəsi, dinin təsdiqi namazdır.
13. Din və dini vəzifələrdən uzaqlıq qürur və məstlik amilidir. Başqa bir ayədə bildirilir ki, günahkarlar öz əhlləri arasında məst halda gülərlər. (Qeyd)4
14. Ardıcıl inkarlara ardıcıl hədələrlə cavab verilməlidir.
15. Təkəbbür əhli alçaldılmalıdır.
Dostları ilə paylaş: | 
