(79-CU SURƏ; 46 AYƏ)
OTUZUNCU CÜZ
“NAZİAT” SURƏSİNİN SİMASI
Məkkədə nazil olmuş bu surə 46 ayədən ibarətdir.
Surənin adı onun 1-ci ayəsindən götürülmüşdür. “Naziat” dedikdə can alan mələklər nəzərdə tutulur.
Digər Məkkə surələri və “Nəbə” surəsi kimi bu surədə də qiyamət və məad mövzuları əsas mövzudur.
Möminlərin və kafirlərin canının çıxarılması, bəndələrinin bütün işlərinin idarə edilməsi mələklərin öhdəsində olduğundan surə həmin mələklərə andla başlayır. Surədə Musa və Fironun əhvalatları yada salınır, Fironun azğınlıqları müqabilində onun dünyada ağır cəzaya düçar olması bildirilir. Bu bildirişlər insanı cəhənnəmə sürükləyən azğınlıq və dünyapərəstliyin bəyanı üçün bir müqəddimədir. Əksinə, azğın nəfs istəkləri ilə mübarizə, Allah qorxusu insanı əbədi behişt səadətinə qovuşdurur.
Dostları ilə paylaş: | 
