Ayə 18, 19, 20, 21, 22, 23, 24, 25, 26, 27, 28:
﴿كَلَّا إِنَّ كِتَابَ الْأَبْرَارِ لَفِي عِلِّيِّينَ﴾﴿وَمَا أَدْرَاكَ مَا عِلِّيُّونَ﴾﴿كِتَابٌ مَّرْقُومٌ﴾﴿يَشْهَدُهُ الْمُقَرَّبُونَ﴾﴿إِنَّ الْأَبْرَارَ لَفِي نَعِيمٍ﴾﴿عَلَى الْأَرَائِكِ يَنظُرُونَ﴾﴿تَعْرِفُ فِي وُجُوهِهِمْ نَضْرَةَ النَّعِيمِ﴾﴿يُسْقَوْنَ مِن رَّحِيقٍ مَّخْتُومٍ﴾﴿خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ﴾﴿وَمِزَاجُهُ مِن تَسْنِيمٍ﴾﴿عَيْنًا يَشْرَبُ بِهَا الْمُقَرَّبُونَ﴾
“Belə deyil! Həqiqətən, xeyir əməl sahiblərinin naməsi uca bir yerdədir; sən nə bilirsən illiyyin nədir? Bu yazılmış bir taledir; Allaha yaxınlar ona şahiddir; həqiqətən, xeyir əməl sahibləri behiştin naz-nemətləri içindədirlər; onlar taxtlara (söykənib) baxırlar; onların çöhrəsində nemət şadlığı, təravət görərsən; onlara xalis, möhürlənmiş və mumlanmış şərabdan içirilər; onun möhürü müşkdəndir; yarışmaq istəyən bu yolda rəqabət aparsa yaxşıdır; ona təsnim qatılmışdır; yaxınların içdiyi bir çeşmədən.”
Nöqtələr
◘”İlliyyin” sözü “illy” sözündəndir. Bu söz uca və sonsuz mərtəbələr mənasını bildirir.
◘Xeyir əməl sahiblərinin kitabı dedikdə onların qiyamətdəki telyi nəzərdə tutulur. “Mərqum” sözü müəyyən, başqa yazılarla səhv salınmayan nişanlı yazı mənasını bildirir.
◘”Əraik” sözü “ərikə” sözünün cəmidir. Bu söz zinətlənmiş taxt mənasını bildirir.
◘”Nəzrə” sözü gözəllik, şadlıq mənasını bildirir. “Nəim” dedikdə bol nemət nəzərdə tutulur. “Rəhiq” sözü məst etməyən, pak, xalis şərab mənasını ifadə edir.
◘”Tənafis” sözü ya “nəfis” sözündən olub iki nəfərin nəfis bir şeydən ötrü çalışmasını, ya “nəfs” sözündən olub iki nəfərin bir şeyi əldə etmək üçün son nəfəsədək vuruşmasını bildirir.1 (Qeyd)
◘Behiştdə istiqbalın mərtəbələri var: bəziləri vasitə ilə, bəziləri vasitəsiz lütfə çatır.2 (Qeyd)
◘Bəzilərinin nəzərincə “misk” sözü möhürlənmiş şərab qabı mənasını bildirir.
◘Allaha yaxın insanlar təsnimdən içərlər. Xeyir əməl sahibləri isə təsnim qatılmış içkilərdən bəhrələnərlər.
◘Behişt içkilərinin növləri var: axar çaylar3(Qeyd), möhürlənmiş qablar, behiştin yuxarı təbəqələrindən axan təsnim4.(Qeyd)
◘İmam Baqir (ə) buyurur: “Təsnim behiştin ən gözəl içkisidir. Bu içki Peyğəmbər (s) və Əhli-beytə (ə) məxsusdur. O behiştin yuxarı mərtəbəsindən axar, o biri mərtəbələrindən keçər.5 (Qeyd)
Bildirişlər
1. Allahın xeyir əməl müqabilində mükafatı qətidir.
2. Başqalarının qarşısında nemətə çatmaq ləzzəti bir neçə qat artırır.
3. Gözəl mənzərələrin seyr olunduğu uca yerlər behişt nemətlərindəndir.
4. İnsanın ruhi durumu onun cisminə təsir edir.
5. Behişt nemətlərinin ilk dəfə istifadəyə verilməsi də bir dəyərdir.
6. Behişt ləzzətlərində hansısa ziyanlar yoxdur.
7. İslam maarifində dünya müsabiqə və rəqabət meydanıdır. Bu rəqabətdə axirət nemətləri üçün çalışmaq lazımdır.
8. Behişt əhlinin dərəcələri, mərtəbələri var.
Dostları ilə paylaş: |