Nur təFSİRİ

﴿وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى ٱللَّهِ فَهُوَ حَسْبُهُ إِنَّ ٱللَّهَ بَالِغُ أَمْرِهِ قَدْ جَعَلَ ٱللَّهُ لِكُلِّ شَيْءٍ قَدْرًا﴾

“Ona güman etmədiyi yerdən ruzi verər. Hər kəs Allaha təvəkkül etsə, onun üçün Allah bəs edər. Həqiqətən, Allah öz işini görür. Həqiqətən, Allah hər şey üçün ölçü müəyyənləşdirmişdir.”

Nöqtələr
◘”Bələğnə əcələhunnə” dedikdə iddə müddətinin başa çatması yox, onun axır dövrləri nəzərdə tutulur. Çünki iddə müddəti başa çatdıqdan sonra qadını saxlamaq haramdır.¹ (Qeyd)

◘Quran-kərimdə “məruf” (yaxşılıq) sözü 38 dəfə işlədilmişdir. Bunun 15-i ailə həyatına aiddir. Bəli, ailədə ərlə arvadın münasibətləri xoş olmalıdır.

◘Boşanmaya iki ədalətli şəxsin şahidliyi faydalı şərtdir. Əgər iddə dövründə kişi dünyasını dəyişsə qadın irs tələb edə bilməz. Qadın iddə müddəti başa çatdıqdan sonra ərə getmək ixtiyarına malikdir. Ədalətli şahidlər hörmətlə qarşılandıqlarından təbii ki, barışığa çalışırlar.

◘Həzrət Peyğəmbər (s) buyurur: “Mən elə bir ayə tanıyıram ki, insanlar ona əməl etsələr bütün problemləri həll olar.” Sonra həzrət (s) hazırkı ayəni oxumuşdur.² (Qeyd)

◘Rəvayətdə oxuyuruq ki, 3-cü ayə nazil olan vaxt Peyğəmbərin (s) yaxınlarından bir qrupu işini yerə qoyub Allahdan ruzi gözləməyə başladılar. Peyğəmbər (s) onları məzəmmət edib buyurdu: “İşi boşlayan insanın duası qəbul olmaz.”³ (Qeyd)

◘Quranda Allahın mehr-məhəbbətinin də, qəzəbinin də gözlənilməyən yerdən gəldiyi bildirilir.⁴ (Qeyd)

◘Təqva təkcə axirətdə təsirli deyil. İmam Sadiq (ə) buyurur ki, təqvalılar üçün dünya həyatında açılış var.⁵ (Qeyd)