Ayə 5, 6, 7, 8, 9:
﴿فَاصْبِرْ صَبْرًا جَمِيلًا﴾﴿إِنَّهُمْ يَرَوْنَهُ بَعِيدًا﴾﴿وَنَرَاهُ قَرِيبًا﴾﴿يَوْمَ تَكُونُ ٱلسَّمَاءُ كَالْمُهْلِ﴾﴿وَتَكُونُ ٱلْجِبَالُ كَالْعِهْنِ﴾
“Yaxşı bir səbrlə səbr et; həqiqətən, onlar həmin günü uzaq görürlər; biz onu yaxın görürük; elə bir gün ki, səma ərimiş dəmirə oxşar; dağlar didilmiş yun şəklinə düşər.”
Nöqtələr
◘Bəəzn müsəlmanların və müxaliflərin Peyğəmbərə (s) ünvanlanmış acı sözləri, xüsusi həzrət Əlinin (ə) imaməti ilə bağlı hücumlar o qədər güclənmişdi ki, Allah Öz Peyğəmbərini (s) səbrə çağırırdı.
◘Kafirlər məadı, ölümdən sonrakı həyatı uydurma sayır, özlərindən uzaq görürlər. Hansı ki, Allah-taala qiyaməti qəti və yaxın bilir.
◘Allah-taala Öz Peyğəmbərini (s) Quranda 20 dəfə səbrə çağırır. Həm də gözəl bir səbrə! Elə bir səbr ki, şikayət və gileylə müşayiət olunmur. Ayədə səbrli olmaq Peyğəmbərə (s) əmr edilsə də, bu əmr bütün ümmətə aiddir.
◘Qiyamətin bərpa olması üçün bu gün mövcud olan nizam dağılmalıdır. Quran bu nizamın pozulacağı ilə bağlı müxtəlif təbirlər işlədir. (Qeyd)1
Bildirişlər
1. Hətta Peyğəmbər (s) səbr və dözüm çağırışına ehtiyaclıdır.
2. Qiyaməti yaxın bilən insan çətinliklərə səbr edir, dözüm göstərir.
3. Səmada gördüyümüz nizamın sonu var, bir gün bu nizam dağılasıdır.
Dostları ilə paylaş: |
