(76-CI SURƏ; 31 AYƏ)
İYİRMİ DOQQUZUNCU CÜZ
“İNSAN” SURƏSİNİN SİMASI
Rəvayətdə nəql olunur ki, bir gün imam Həsən (ə) və imam Hüseyn (ə) xəstələnmişdilər. Peyğəmbər (s) müsəlmanlarla birlikdə onları yoxlamağa gəldi. Həzrət Əliyə (ə) təklif etdi ki, uşaqların sağalması üçün oruc nəzir etsin. Həmin nəzirdən sonra körpələr sağaldılar. Həzrət Əli (ə) və xanım Fatimə (s.ə.) üç gün oruc tutdular. Amma həmin üç gündə iftar üçün evdə yemək olmadı.
Həzrət Əli (ə) yəhudi Şəmundan bir miqdar arpa borc aldı. Onlar şörək bişirdilər. Şam vaxtı namazlarını qıldılar. İftar etmək istəyəndə bir miskin, bir yetim və bir sail qapını döydü. Onlar yeməyə bir şey istəyirdilər. Peyğəmbər (s) Əhli-beyti (ə) Allahın razılığına xatir öz süfrəsində olanları həmin şəxslərə verib su ilə iftar etdilər. Allah-taala Əhli-beytin (ə) bu isarı ilə bağlı hazırkı surəni nazil etdi.
Dostları ilə paylaş: |
