Nur təFSİRİ

Ayə 27, 28, 29, 30, 31, 32, 33:

﴿ءَأَنتُمْ أَشَدُّ خَلْقًا أَمِ السَّمَاء بَنَاهَا﴾﴿رَفَعَ سَمْكَهَا فَسَوَّاهَا﴾﴿وَأَغْطَشَ لَيْلَهَا وَأَخْرَجَ ضُحَاهَا﴾﴿وَالْأَرْضَ بَعْدَ ذَلِكَ دَحَاهَا﴾﴿أَخْرَجَ مِنْهَا مَاءهَا وَمَرْعَاهَا﴾﴿وَالْجِبَالَ أَرْسَاهَا﴾﴿مَتَاعًا لَّكُمْ وَلِأَنْعَامِكُمْ﴾

“Sizin yaranışınız çətindir, yoxsa Onun yaratdığı səmanın? Tavanını ucaltdı, onu möhkəmləndirdi; gecəsini qaranlıq, gündüzünü işıqlı etdi; sonra yeri genişləndirdi; ondan su və otlaq çıxardı; dağları möhkəm qərar verdi; belə ki, sizin üçün və heyvanlarınız üçün bəhrələnmə vasitəsi olsun.”

Bildirişlər
1. Təbliğdə sual üslubu faydalıdır.

2. Ən üstün allahşünaslıq yolu Allahın nemətlərinə diqqətdir. Hiss üzvlərindən məfhumları anlamaq üçün istifadə etmək lazımdır.

3. Dünya bizim üçündür. Biz dünya üçün deyilik.

4. Maddi nemətlərdən həm insanlar, həm də heyvanlar faydalanır. (İnsanın imtiyazı mənəvi kamilliklərdir)

5. Nemətlər insnaların bəhrələnməsi üçündür. Yersiz qadağalar və pəhrizlər mənasızdır.

6. Səmalar yaradıldıqdan sonra yer genişləndirilmiş və hərəkətə gətirilmişdir.