(84-CÜ SURƏ; 25 AYƏ)
OTUZUNCU CÜZ
“İNŞİQAQ” SURƏSİNİN SİMASI
Məkkədə nazil olmuş bu surə 25 ayədən ibarətdir.
Surənin adı onun ilk ayəsindən götürülmüşdür. “İnşiqaq” dedikdə yarılma mənası başa düşülür. Digər Məkkə surələrində olduğu kimi bu surədə də əsas mövzu məad və qiyamətdir.
Surədə varlıq aləmindəki nizamın pozulmasından, yer və göyün bir-birinə qatışmasından, qiyamətin bərpasından, axirət nizamının qurulmasında danışılır.
İnsan qiyamət günü öz təlaşlarının səmərəsinə çatar. Pak və çirkin əməl sahiblərinin namələri onların əlinə verilər. Bu namələr əsasında insanlar mükafatlandırılar və ya cəzalandırılar. Bu ilahi sünnə tarix boyu işlək olmuşdur. Bütün insanlar bu sayağı hesaba çəkilər.
Rəvayətdə bildirilir ki, bu ayələrin mənasını düşünərək oxumaq insanın əməl naməsini sağ əlinə verilməsi ilə, başqa sözlə, qurtuluşu ilə sonuclanar.1 (Qeyd)
Dostları ilə paylaş: | 
