Nur təFSİRİ

Quranda münafiqlərin səciyyələri haqqında
Münafiqlər yalançıdırlar³(Qeyd); onlar konkret məqsəd izləmədiklərindən gündə bir qrupa qoşulur⁴(Qeyd); onlar məsələləri dərindən dərk etmir⁵(Qeyd); onlar cansız dirək kimidirlər⁶(Qeyd); namazda halsızdırlar⁷(Qeyd); sərt danışan, qaraqabaqdırlar⁸(Qeyd); Yalan andı özlərinə sipər edirlər; məsum rəhbərə qarşı çıxır, zəkat bölgüsünü ədalətli saymırlar⁹(Qeyd); gah havanın istiliyini, gah da soyuqluğunu bəhanə gətirib döyüş ruhiyyəsini zəiflədirlər¹⁰(Qeyd); Hətta məscidi fitnə mərkəzinə çevirirlər¹¹(Qeyd); əhdlərinə vəfa qılmır, Allahın verdiyindən zəkat ayırmırlar¹²(Qeyd); “səfehlər kimi iman gətirək” deyib müsəlmanları təhqir edirlər; insanlar Peyğəmbərin (s) ətrafından dağılsın deyə iqtisadi mühasirə yaradırlar; Allaha və möminlərə qarşı hiyləyə əl atırlar¹³(Qeyd); infaqdan ikrah duyurlar¹⁴(Qeyd); pisliyə çağırır, yaxşılığa mane olurlar¹⁵(Qeyd); siratdan qaçır, ikrah duyurlar¹⁶(Qeyd); bir söz eşidəndə araşdırmadan şayiə yayırlar.¹⁷ (Qeyd)

Münafiqlərin təhlükəsi böyük olduğundan Qurani-kərimin müxtəlif surələrində onların xüsusiyyətləri açıqlanır. Mədinə surələri arasında demək olar ki, münafiqlərin yada salınmadığı surə yoxdur.¹⁸ (Qeyd)

◘Nifaq əməldə yalanıdır. Münafiq küfrü gizlədib, özünü imanlı göstərir. Əlbəttə ki, müəyyən nöqtələri, məsələn, yoxsulluğu və ya abidliyi gizlətmək pis deyil.

◘Münafiqlər iki qrupdur: onlardan bəziləri İslamın möhkəmləndiyini görüb iman gətirir, bəziləri isə öncə iman gətirib, sonradan dünyaya uyur, imanlarını əldən verirlər. Hər iki qrup zahirdə özünü imanlı göstərir. İslam ümməti bu qrupların hər ikisindən ağır zərbələr görmüşdür.

◘Həzrət Peyğəmbərin (s) dövründə münafiqlərdən çox danışılırdı. Həzrət (s) dünyasını dəyişəndən sonra münafiq mövzusu aradan qalxdı. Bunun müəyyən səbəbləri var. Sual yaranır ki, Peyğəmbərdən (s) sonra bütün münafiqlər möminmi oldu?! Münafiqlər təkcə Əlinin (ə) ətrafına yığışmış Salman, Əbuzər və Miqdad kimi azlıqdan ibarət idimi?! Bəlkə Peyğəmbər (s) dövründə münafiqlik münafiqlik göstərənlər qüdrətə çatdığından bu mövzu gündəmdən çıxdı?!

◘Münafiqlər dünyada yalan danışdığı kimi axirətdə də yalandan and içər. Allah onları yalançı adlandırır.¹ (Qeyd)

◘Həzrət Peyğəmbər (s) buyururdu ki, mən kafirlərdən qorxmuram, münafiqlərdən ehtiyatlanıram.² (Qeyd) Həzrət (s) digər bir tərəfdən buyururdu: “Ümmətimin yoxsulluğundan yox, tədbirsizliyindən qorxuram.”³ (Qeyd) Bəli, əgər münafiqlər cahillərlə əl-ələ vesə, Siffeyn savaşı və Kərbəla vaqiəsi önə gələr.
Bildirişlər
1. İlkin İslam dövründə əsas qərargaha yol tapmış münafiq ünsürlər vardı, hətta Peyğəmbər (s) onların fitnələrindən əziyyət çəkirdi.

2. Münafiqlər haqq sözdən batil yolda faydalanır.

3. Haqq şüarları və sözləri çaşqınlardan alıb ixtiyarınızda saxlayın.

4. Yaltaqlıq və yağlı dil münafiqlərin səciyyəsidir.

5. Münafiqlər danışanda and içir ki, qarşı tərəfi inandırsın.

6. Təkidə təkidlə cavab verin.

7. Hər iddianı həqiqət kimi qəbul etməyin.

8. Münafiqləri rüsvay edin.

9. İnsan inanmadığı sözü dilinə gətirirsə, bu söz düzdürsə də həmin şəxs yalançıdır.

10. Həqiqi iman dildə etiraf yox, qəlbin təsdiqidir.