Nur təFSİRİ

Quranda mələklər mövzusu⁴(Qeyd)
Mələklər varlıq aləminin işçiləri, ilahi göstərişləri yerinə yetirən məmurlardır. Quranda mələklərin müxtəlif vəzifələr daşıdığı bildirilir.² (Qeyd) Bəzi mələklərə hifz etmək vəzifəsi tapşırılmışdır.³ (Qeyd)

Bəzi mələklər Allahın övliyaları ilə danışır. Onlar Zəkəriyya ilə ünsiyyətdə olub onu Yəhyə adlı övladla müjdələdilər.⁴ (Qeyd)Həmin mələklər həzrət Məryəmlə söhbətə qatıldılar.⁵ (Qeyd)

Bəzən mələklərin mücahidlərə yardımından danışılır. Belə ki, Bədr savaşında Allah müsəlmanlara 3 min mələk göndərməklə yardım etdi.⁶ (Qeyd)

Bəzi mələklərə əmr olunmuşdur ki, insanların canını alsınlar.⁷ (Qeyd) Bəzi mələklər ərşdəki işlərə məsuldur.⁸ (Qeyd)

Daimi ibadət mələklərin imtiyazlarındandır.⁹ (Qeyd) Mələklərin digər bir vəzifəsi möminlərə dua etmək, bağışlanma diləməkdir.¹⁰ (Qeyd)Bəzi mələklər Peyğəmbərə (s) salam-salavat göndərir.¹¹ (Qeyd)

Mələklərin dərəcələri var. Onlar eyni məqamda deyillər.¹² (Qeyd) Peyğəmbərlər kimi mələklərin də bəziləri üstün tutulur.¹³ (Qeyd)

Mələklər eyni gücdə və eyni tutumda deyillər.¹⁴ (Qeyd) Onların bəziləri əmr edir, bəziləri əmri yerinə yetirir. Amma hər biri məsum və əmindir.¹⁵ (Qeyd)

Mələklərə inanmaq zəruridir.¹⁶ (Qeyd) Mələklərin inkarı Allahın inkarı sayılır.¹⁷ (Qeyd)

Mələklər Allahın döyüşçüləridir və onların sayını yalnız Allah özü bilir.¹⁸ (Qeyd) Bəzən mələklərin sayının göstərilməsi, məsələn cəhənnəm məmurlarının 19 nəfər olması onların güc baxımından zəifliyini göstərmir.¹⁹ (Qeyd)

Mələklər mütləq şəkildə Allaha itaətdədir. Onlar verilən əmri yerinə yetirir, heç vaxt itaətsizlik göstərmirlər.²⁰ (Qeyd)

Mələklər yalnız Allahın əmrini yerinə yetirir, Ondan qabağa keçmirlər.²¹ (Qeyd)

Mələklər agahcasına, təqva ilə itaət edirlər. Onlar seçim aparmır, verilən əmri icra edirlər.¹ (Qeyd)

◘İslam peyğəmbəri (s) buyurur: “Bütün mələklər nurdan yaranmışdır.”² (Qeyd) Allah mələklər sayda heç bir varlıq yaratmamışdır.³ (Qeyd)

◘İmam Sadiq (ə) buyurur: “Mələklər yemək-içməkdən, cinsi yaxınlıqdan uzaqdır.⁴ (Qeyd)

Bildirişlər
1. Mələklər Allahın izini olmadan bir iş görmürlər.

2. Qədr gecəsi işlər mələklərin nazil olması və iştirakı ilə müəyyənləşir.

3. Qədr gecəsində işlərin müəyyənləşməsi Allahın rübubiyyətindəndir.