(102-Cİ SURƏ; 8 AYƏ)
OTUZUNCU CÜZ
“TƏKASUR” SURƏSİNİN SİMASI
Məkkədə nazil olmuş bu surə 8 ayədən ibarətdir. Surənin adı onun 1-ci ayəsindən götürülmüşdür. “Təkasur” dedikdə çoxluq istəyi, çoxluqla öyünmə mənaları anlaşılır. Çoxluqla öyünmə səciyyəsi Qüreyş qəbilələrinə xas idi. Bu səbəbdən də surə Məkkə surəsi sayılır.
Surədə çoxluqla öyünənlər məzəmmət edilir. Belələrinə qiyamət günü xatırladılır. Bildirilir ki, onları qarşıda ağır sorğu günü gözləyir.
Həzrət Peyğəmbər (s) buyurur: “Allah bu surəni oxuyan şəxsi dünyada ona verdiyi nemətlərə görə sorğuya çəkməz. Ona elə bir mükafat verər ki, sanki Qurandan min ayə oxumuşdur.”
Dostları ilə paylaş: |
