Ayə 5:
﴿ذَلِكَ أَمْرُ ٱللَّهِ أَنزَلَهُ إِلَيْكُمْ وَمَن يَتَّقِ ٱللَّهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا﴾
“Bu, Allahın sizə doğru nazil etdiyi əmrdir. Kim Allahdan qorxsa, Allah onu pisliklərdən təmizlər, mükafatını böyüdər.”
Bildirişlər
1. Ailə məsələlərində ilahi göstərişlərə ciddi yanaşaq.
2. Təqva Allahın qəzəbindən qurtuluş səbəbidir.
3. Günahkarlar təqva vasitəsi ilə keçmiş günahlarını yuya bilərlər.
4. Günahkarları bədbəxt saymayın. Onlar paklana da bilər.
5. Günahdan paklanmaq ilahi mükafat üçün müqəddimədir.
6. Təqva həm keçmiş günahları yuyur, həm də gələcəyi təmin edir.
Ayə 6:
﴿أَسْكِنُوهُنَّ مِنْ حَيْثُ سَكَنتُم مِّن وُجْدِكُمْ وَلَا تُضَآرُّوهُنَّ لِتُضَيِّقُواْ عَلَيْهِنَّ وَإِن كُنَّ أُولَاتِ حَمْلٍ فَأَنفِقُواْ عَلَيْهِنَّ حَتَّى يَضَعْنَ حَمْلَهُنَّ فَإِنْ أَرْضَعْنَ لَكُمْ فَآتُوهُنَّ أُجُورَهُنَّ وَأْتَمِرُواْ بَيْنَكُم بِمَعْرُوفٍ وَإِن تَعَاسَرْتُمْ فَسَتُرْضِعُ لَهُ أُخْرَى﴾
“(İddə başa çatanadək) Zövcələrinizə öz məskənlərinizdə, gücünüz həddində yer verin. Onlara zərər toxundurmayın, sıxıntı yaratmayın. Hamilə olsalar, hamiləlikdən azad olana qədər xərclərini ödəyin. Övladlarınıza süd versələr, muzdlarını verin. (Uşaqla bağlı) Öz aranızda yaxşı şəkildə məsləhətləşib razılığa gəlin. Razılaşa bilməsəniz, başqa bir qadın (övladınıza) süd versin.”
Dostları ilə paylaş: | 
