Nur təFSİRİ

Bildirişlər 
 
1. Azğınlardan uzaqlıq dindəndir. 
2. Müqəddəsliklərin təhqiri müqabilində cəza əbədi lənətdir. 
3. Küfrün tam məhvi üçün dua etmək lazımdır. 
4. Müxaliflərə onların özü kimi cavab verin. Onlar Peyğəmbərə (s) nə dedilərsə, 
Allah onlara həmin sözü qaytardı. 
1
“Təfsiri-əl mizan” 
2
“Haqqə”, 29; “Əraf”, 48; “Ali-İmran”, 10 
3
“Nəhcül-bəlağə” 

---

322 
5. İslamda ləyaqət qohumluq bağlılığından müqəddəmdir. 
6. Var-dövlət Peyğəmbər müxaliflərinin alətlərindəndir. (Əbu Ləhəb öz sərvətini 
İslamın məhvi yolunda xərclədi.) 
7. Fəsaddan da pisi fəsadın təkrarıdır. 
8. Allahın qəhr-qəzəbi qarşısında sərvətin faydası yoxdur.
9. Allahın sitəmkarlara yönəlmiş qəzəbi uzaqda deyil. 
10. Dünyada kübarlıq axirətdə təhqirlə sonuclanır. 

---

323 
“İXLAS” SURƏSİ 
 
(112-Cİ SURƏ; 4 AYƏ) 
 
OTUZUNCU CÜZ 
 
“İXLAS” SURƏSİNİN SİMASI 
 
Kitab əhli və müşriklərdən bir qismi Peyğəmbərdən (s) istədilər ki, Allahı onlara 
tanıtdırsın. “İxlas” (“Tövhid”) surəsi Allahın təqdimatıdır. Həmin vaxt bu surə nazil oldu. 
Bildirildi ki, Allah oxşarsızdır, Onun şəriki yoxdur, O pak-pakizədir. 
Surə tövhid əqidəsini ən xalis şəkildə bəyan etdiyindən “Tövhid” surəsi kimi də 
tanınır. 
Surənin fəziləti ilə bağlı bir çox rəvayətlər nəql olunmuşdur:
1
-Hər gün ən azı bir dəfə bu surəni namazlarınızda oxuyun, sonra deyin: 
“Kəzalikəllahu Rəbbi” yəni “Mənim Rəbbim belədir”. 
-Bu surə əhəmiyyət baxımından Quranın üçdə birinə bərabərdir. Onu bir dəfə 
oxumaq Quranın üçdə birini oxumaq kimidir. Bu surəni üç dəfə oxuyan sanki bütün 
Quranı oxumuşdur. 
-Həzrət Peyğəmbər (s) buyurur: “Tövhid” surəsi Əli ibn Əbu Talib (ə) kimidir. Hər 
kəs onu qəlbən sevsə imanın üçdə birini əldə etmişdir. Hər kəs onu qəlbən və dildə sevsə, 
imanın üçdə ikisini əldə etmişdir. Hər kəs onu qəlbdə, dildə və əməldə sevsə kamil imana 
sahib olmuşdur.” 
-Bu surə namazın təqibatı kimi də tanınır. Rəvayətlərdə bildirilir ki, hər kəs 
namazdan sonra bu surənin tilavətini tərk etməsə Allah onu dünya və axirət xeyrinə 
çatdırar, onu, valideynlərini, övladlarını bağışlayar. 
-İmam Səcad buyurur: “Allah bilirdi ki, axır dövrlərdə dəqiq və dərin düşünənlər 
gələcək. Bu səbəbdən də “Tövhid” surəsini və “Hədid surəsinin ilk 6 ayəsini nazil etdi.” 
Bu surəni 6 tərəfə oxumaq insanı təhlükələrdən qoruyur.
2