Nur təFSİRİ

Bildirişlər 
 
1. Qiyamət insanların düşüncə və əməllərinin üzə çıxdığı gündür. 
2. İnsanın məqsədləri və ruhiyyələri onun qiyamət günündəki halına təsirlidir. 
3. Qiyamət sirlərin açıldığı, insanın peşiman olduğu gündür. Həmin gün insan çıxış 
yolu tapa bilməz. 
4. İnsanın qiyamətə gəlişi su buxarının səmadan yerə enişi kimidir. 
5. Hər bir mövcudun dəyəri onun bərəkətindədir.
6. Quran haqqı batildən ayıran kitabdır. Ona roman, bədii əsər kimi yanaşmaq 
olmaz. 
7. Kafirlərin hiyləsi daimi, çətin və qətidir. Onların hiylələrindən qəflətdə qalmayın. 
8. Allahın insanla rəftarı onun əməllərinə münasibdir. İnsan xeyir yolda addım atırsa, 
Allah onu hidayət edir.
2
İnsan hiylə qurmaq fikrindədirsə, özü hiyləyə düçar olur. 
9. Quran haqqı batildən ayıran mizandır. 
10. Kafirlər əslində Allaha qarşı çıxmışlar. Allahın isə tədbirləri sərtdir. 
11. Kafirlər müsəlmanları aldadır. Biz də onları qəfil yaxalayaq. 
12. Düşmənlə rəftarda nə özünüz tələsin, nə də Allahdan tələsik qərar gözləyin. 
13. Düşməndən heç vaxt qəflətdə qalmaq olmaz. Amma möhlət verməyin eybi 
yoxdur. 
14. Qəlbigenişlik rəhbərlik üçün zəruri şərtlərdəndir. 
15. Düşmənə o qədər möhlət vermək olmaz ki, bu fürsətdən möminlərə qarşı istifadə 
etsin. 
1
“Təfsiri-nümunə” 
2
“Ənkəbut” 69 

---

232 
“ƏLA” SURƏSİ 
 
(87-Cİ SURƏ; 19 AYƏ) 
 
OTUZUNCU CÜZ 
 
“ƏLA” SURƏSİNİN SİMASI 
 
Məkkədə nazil olmuş bu surə 19 ayədən ibarətdir. 
Allaha təsbih söyləmək əmri ilə başlayan surələr “usəbbihat” adlanır. “Əla” surəsi 
“musəbbihat” surələrinin sonuncusudur. 
Surənin adı onun ilk ayəsindən götürülmüşdür. Həmin ayədə Allah “əla” sifəti ilə 
vəsf olunur. Surədəki mövzular iki qismə bölünür: birinci qismə əziz peyğəmbərə 
müraciət, ikinci qismə möminlər, kafirlər, səadət və bədbəxtlik amilləri barədə söhbətlər 
daxildir. Rəvayətlərdə tövsiyə olunur ki, fitr və qurban bayramları namazlarında birinci 
rəkətdə “Əla” surəsi oxunsun.
1