Avtomobilin özünü (bort) diaqnostikası. Avtomobilin elektrik avadanlıqlarında baş verən imtinaların analizi göstərir ki, bunların əsas səbəbkarı zavod – hazırlayıcıdır. Özünü diaqnostikanın (bort diaqnostika) əsas məsələsi avtomobilin elektrik avadanlıqlarının və elektron sistemlərinin çıxış parametrlərini normativ qiymətlərdən meyl etməsini(dəyişmələrini) təyin etmək , bu dəyişmələrin avtomobilin digər sistem və mexanizmlərinə təsirini müəyyənləşdirməkdir.Bu məqsədlə avtomobilin elektron sistemində diaqnostik cihazları birləşdirmək , özünü diaqnostika mərkəzi məntəqəsinə giriş nəzərdə tutulur və ora –bort kompyuter, kontrelyor, kiçik EHM qoşulur.
Elektron sistemin bort diaqnostikasını mühərrikin bort diaqnostikası ilə əlaqəli sınaqdan keçirən xüsusi avadanlıqlar tətbiq olunur. Həmin avadanlıqlar universal adapter vasitəsilə elektron idarəetmə sisteminə (EİS) qoşulur.
Müasir avtomobillərdə elektron sistemin dominant (üstün) rolu ona xidmətə daha çox diqqət ayrılmasını tələb edir. Çünki avtomobilin əsas funksiyaları elektron sistemdən asılıdır və ona görə də bu sistemin etibarlılığı yüksək səviyyədə , dəqiq təmin olunmalıdır. Bu problemlərin həlli üçün elektron sistemlərin özünü (bort) diaqnostikası nəzərdə tutulur.
