O 'zbekistan Respublikasi joqari ha'm orta arnawli ta'lim ministrligi Berdaq atindagi Qaraqalpaq ma'mleketlik universiteti Ko'rkem o'ner fakulteti

Pedagogika ha’m psixologiya
kafedrasi metodisti:
V.Erjanova

27-sanli mektep metodisti:
G.Abdikerimova

No’kis qalaliq 27-sanli uliwma bilim beriw mektebinde a’meliyatshi student Nurlimuratova Ziyadanin’ 05 sentyabrden 05 noyabrge shekem o’tkergen pedagogikaliq a’meliyati

Esabati

1. 
   Qa’niygelik a’meliyati alip barilg’an orin.
   

Mektep imarati u’sh korpus ha’m sport zallarinan ibarat. Mekteptin’ barliq pedagog oqitiwshilari oqiwshilarg’a u’zliksiz ta’rizde ta’lim ham ta’rbiya berip barmaqta. Mektep zamang’a say ta’rizde ta’limge kerek a’sbap-u’skeneler menen ta’minlengen.
Mektep sho’lkemlestirilgen jildan usi ku’nge shekemgi mektep oqiwshilari ha’r tu’rli pa’n olimpiyadalari, sport jarislari ha’m basqa da bellesiwlerde belgili orinlardi alip kelmekte.
05.09.2022-jil ku’ni birinshi ma’rte mektepke keldim. Qa’niygelik a’meliyati da’wirinde mektep ha’m oqiwshilardin’ psixologiyasin u’yrenip g’ana qoymastan, ma’nawiy ha’m ag’artiwshiliq jumislari menen de tanisip shiqtim.

2. 
   A’meliyat jumislari:
   

Ta’lim ornina keliwim menen mekep psixologinin’ bir jil dawaminda orinlaniwi kerek bolg’an is rejesi menen tansip shiqtim. A’meliyat da’wirinde mag’an biriktirilgen 4 - “z” ha’m 5 - “g” klaslarinda psixologiyaliq baqlaw ha’m analiz jumislari, sonday-aq olardan diagnostikaliq metodikalar, tesler o’tkeretug’in boldim. Bunda mag’an mektep psixologi ha’m Universitette oqitiwshilarimiz bergen bilim u’lken ja’rdem berdi. Ha’m alg’an bilimlerim tiykarinda a’meliyattin’ ha’r ku’nine psixologiyaliq analiz jazip bardim.
Qa’niygelik a’meliyati ushin aldinnan is reje du’zip aldim ha’m sol tiykarinda ku’ndelikli jumislar alip bardim.
Is reje du’zip alg’annan keyin, ku’nlik reje du’ziw, yag’niy sabaq waqtinda psixologiyaliq analiz ham metodikalardi aliw ta’rtibi ham rejelerin du’ze basladim. Reje du’ziw waqtinda, 45 minutliq sabaqti qalay rejelestiriw kerek ekenlgin u’yrendim ha’m bul arqali sabaqtin’ na’tiyjeli boliwin aldinnan bilip aliw mu’mkin eken.
Sabaq barisin psixologiyaliq analiz etiw h’am ku’ndelikli islengen jumislarg’a ku’ndelik jazip bariw, a’meliy analiz qiliw ko’nlikpelerin payda etti. Psixologiyaliq analiz jasaw barisinda men ko’binese sabaq o’tiliw usilin, eger oqitiwshi qalay sabaq o’tse sabaq na’tiyjeli boliwi ha’m oni oqiwshi o’zlestiriwine jaqsi boliwin, oqitiwshi ham oqiwshilar ortasindagi mu’nasebet, oqiwshilardin’ sabaqqa qizig’iwshilig’i, qatnasi, biliw processlerinin’ qay da’rejede rawajlang’anlig’i, o’zlerin uslap-tutiwlari, klaslas doslari menen sabaq dawaminda ha’m ta’nepis waqtinda qalay qarim-qatnas jasaytug’inlig’in analiz ettim.
Psixologiyaliq analiz jasaw arqali sabaq processi haqqinda ju’da ko’p bilimlerge ha’m tu’siniklerge iye boldim.
Oqiwshilardin’ biliw processlerin diagnostika qiliw ushin mag’an Universitette oqitiwshilarimizdan alg’an bilimlerim ha’m aldin a’meliyatta qollap ko’rgen proektiv metodikalar, sorawnama, ha’reketli shinig’iwlar ha’m testler u’lkem ja’rdem berdi.

3.