2. Boshlang’ich sinf
o’quvchilarining matematika faniga bo’lgan qiziqishini
oshirishda foydalaniladigan ko’rgazmali qurollarning turlari va
ahamiyati
Matematika darslarida ko‟rgazmalilikdan to‟g‟ri foydalanish aniq fazoviy va
miqdoriy tasavvurlarning mazmunli tushunchalarning shakllanishiga imkon
beradi, mantiqiy fikr yuritishni va nutqni rivojlantiradi, aniq hodisalarni qarab
chiqish va analiz qilish asosida keyinchalik amalda qo‟llaniladigan
umumlashtirishlarga kelishga yordam beradi.
Ko‟rsatmali qo‟llanmalarning turlarini bilish o‟qituvchiga ularni to‟g‟ri tanlash va
o‟qitishda ulardan samarali foydalanishga imkon beradi. Shuningdek o‟zi yoki
bolalar bilan birgalikda kerakli ko‟rsatma qo‟llanmalarning tayyorlashga imkon
beradi. Ko‟rsatma o‟quv qo‟llanmalarni natural va tasviriy qo‟llanmalarga
ajratish qabul qilingan.
Matematika darslarida foydalaniladigan natural ko‟rsatma qo‟llanmalarga atrof
muhitdagi narsalar, daftarlar, qalamlar, cho‟plar, kubiklar va hakozalar kiradi.
Tasviriy ko‟rsatma qo‟llanmalar ichiida obrazli qo‟llanmalarni ajratish mumkin.
Tasviriy ko‟rsatma qo‟llanmalarga ekranda ko‟rsatiladigan ko‟rsatma
qo‟llanmalar; o‟quv filmlari, diafilmlar, diapozitivlar ham kiradi.
| 
