Oğul sözlərimə yaxşı qulaq as

Buna bir cavab yazdım, əgər cavab demək olarsa
Əhlimanoğlundan Qafaroğluna

Var odlu-atəşli salamım qardaş,

Oxudum şeirini təbim oynadı

Qardaş tək başına dolanam, qardaş.

Yazdın şah ömrünün misrasını sən

Mən ki, o rütbəyə layiq deyiləm.

Dərd bilən, mərd olan dostlarımın mən

Qulluğunda duram, dayanam, qardaş.

Sən təb sahibisən, alovun çoxdu,

Həzin misraların canıma hopdu.

Mənimki üzdədir, bir az da gopdu,

Sənlə uyğun gəlməz kalamım, qardaş.

Ancaq gözəlliyə vurğunam mən də,

Gördüm bu şakəri şeirində, səndə

Ömür-gün ötüşüb əllini ötəndə

Faş olar, bilinər yalanım, qardaş.

Şəfəqli Mikayıl dostluqda başdı

Sanki Zirəddin bəy ona qardaşdı.

Ayın 19-u mənlə yoldaşdı,

Sizə gəlməyə var planım, qardaş.

12.01.1997