Oğul sözlərimə yaxşı qulaq as

İbrahim Kazımov

4.02.95 gecə saat 3³⁰

Rizvan Qazıyev
Kədərlənmə, heç kövrəlmə, Ömürşah

Qocalığın gəncliyidir əlli yaş.

Gah çarpışan, gah vuruşan gəncliyin

Dəcəlliyin dincliyidir əlli yaş.

Gənclik dedim, sən cavansan həmişə

Yarayırsan, xeyrə-şərə, hər işə

Həsr etdin ömrünü müqəddəs işə

Odur ki, müqəddəs olmusan, qardaş,

Qocalığın gəncliyidir əlli yaş.
Arzum budur: hər arzuna yetəsən,

Qızılgül tək könüllərdə bitəsən.

Qız-oğluna, nəvənə toy edəsən,

Deməyisən kimə qaldı, a qardaş

Qocalığın gəncliyidir əlli yaş.
Qartal kimi zirvələrdə uçasan,

Günəş kimi aləmə nur saçasan.

Hər səhəri xoş ovqatla açasan

Çıxmasın qarşına nə kəsək, nə dağ

Qocalığın gəncliyidir əlli yaş.
Bəxtin ayıq olsun, ömürün uzun

Səadət, xoşbəxtlik qismətin olsun.

Ömrün piyaləsi sevinclə dolsun

Neyliyim-neceliyim deməyəsən, kaş,

Qocalığın gəncliyidir əlli yaş.

Mübarəkdir əlli yaşın, a qardaş!

ZÜLFƏLİ
Hörmətin daima artsın, ucalıb-qalx, qədeşim,

nədir əlli, yaş yüz əlli, Ömürşah qədeşim.

Alınan qoz, satılan qoz, bu bazar köhnə bazar

Arada qalsa qalar bizlərə şax-şax, qədeşim.

Hər kişi öz əməliylə tanınır dünyada

Səni xoş işlər üçün xəlq edib allah, qədeşim.

Ağlayan ağlayacaqdır, gülənindir dövran

Qurulandan bu cürə dövr eləyir çərx qədeşim.

Zülfəli dərdini çəkməz bu yalan dünyanan

O sənə baxdığı tək sən də ona bax, qədeşim.

Sağ olun mənim əziz qardaşlarım. Tərifli, hətta çox tərifli sözləriniz üçün minnətdaram!