#Oilaviy tadbirkorlik

1.[10:18] Telegram | Facebook | Instagram

Turizm faoliyati subyektlari va aviatashuvchilarning xorijiy mamlakatlardan O‘zbekistonga charter reyslarini tashkil qilish bo‘yicha xarajatlarining bir qismi qoplab beriladi.

O‘zbekiston Respublikasi Prezidentining “O‘zbekiston Respublikasida turizm sohasini yanada rivojlantirish chora-tadbirlari to‘g‘risida” 13-avgust 2019-yildagi PF-5781-son farmoniga asosan:
2020-yil 1-yanvardan:
Turizm faoliyati subyektlari va aviatashuvchilarning xorijiy mamlakatlardan O‘zbekistonga charter reyslarini tashkil qilish bo‘yicha xarajatlarining bir qismi har bir xorijiy turist uchun, u respublika hududida kamida besh kecha tunab qolgan taqdirda, 20 AQSh dollari, qish mavsumida (20-noyabrdan 20-fevralgacha) esa 50 AQSh dollari miqdorida O‘zbekiston Respublikasi Davlat budjeti hamda Turizm va sport vazirligi huzuridagi budjetdan tashqari Turizm va sportni qo‘llab-quvvatlash jamg‘armasi mablag‘lari hisobidan teng ulushlarda qoplab beriladi. Bunda,
2022-yil 1-yanvardan 2023-yil 1-yanvarga qadar O‘zbekistonga charter reyslarini tashkil qilish bo‘yicha xarajatlarining bir qismi har bir xorijiy turist uchun 10 AQSh dollari, qish mavsumida (20-noyabrdan 20-fevralgacha) esa 25 AQSh dollari miqdorida O‘zbekiston Respublikasi Davlat budjeti mablag‘lari hisobidan qoplab beriladi.
Samarqand viloyati Investitsiyalar va tashqi savdo boshqarmasi matbuot xizmati
(https://telegra.ph/Turizm-faoliyati-subyektlari-va-aviatashuvchilarning-xorijiy-mamlakatlardan-Ozbekistonga-charter-reyslarini-tashkil-qilish-boyic-07-25)