2. Məkan aqnoziyası. Beyinin ənsə – aşağı əmgəh hissəsinin zədələnməsi zamanı xəstə müstəqil görməyi bacarmır, aşağı, yuxarı, sağ, sol tərəfləri bir-birinə qarışdırır, özünə yer tapa bilmir və s. Məkan aqnoziyası zamanı xəstə əlini məkanda istənilən vəziyyətdə saxlaya bilmir, üfüqi və şaquli vəziyyətləri dəyişik salır, kibritlərdən tələb olunan həndəsi fiquru düzgün düzəldə bilmir. Görmə məkan pozğunluğu olan xəstələrdə hərflərin ifadə olunmasında da çətinliklər müşahidə edilir. Belə xəstələr barmaqlarının adlarını deməkdə belə çətinlik çəkirlər. Baş barmağı dördüncü, dördüncü barmağı isə baş barmaq adlandırırlar.
