Bozor rivojlanish strategiyasi — bu asosan yangi iste’molchi segmentlarga, yangi
hududiy bozorlarga va yangi sotish tarmoqlariga chiqish.
Mahsulot rivojlanish strategiyasi yaxshilangan yoki yangi tovarlarni tayyorlash
(innovatsiya, yangi marka, assortiment modifikatsiyasi, mahsulot parametrlarini yaxshilash,
instrumental va emotsional tavsiflarni rivojlantirish) hisobiga sotuv o‘sishiga yo‘naltirilgan.
Diversifikatsiya strategiyasi yangi bozorlar uchun mo‘ljallangan yangi mahsulotlar
bilan bog‘liq. Albatta, bu strategiya qiyin va hatarli, chunki u korxonani yangi sohalarga
olib chiqadi. Ularning muvaffaqiyati uchun yirik kadr va moliya resurslarini jalb qilish talab
etiladi.
Raqobatchilar strategiyasi. Korxonaga potensial iste’molchilar va bir vaqtda asosiy
raqobatchilarga nisbatan siyosatni ko‘proq jalb qilish mavqeidan bozordagi ustunlikni
shakllantiradi. Bu erda, eng avvalo, raqobat tahlili asosida ma’lum jarayon o‘rganiladi va
korxona o‘zining ham, bozordagi raqobatchilarga ham raqobat ustunligiga baho berish
zaruriyati paydo bo‘ladi. O‘z navbatida, raqobat ustunligi raqobatchilarga nisbatan ma’lum
ustunliklarni yaratuvchi korxonaning bozor faoliyati tavsifini ifodalaydi. Raqobat
ustunligini yaratish raqobatchilarning mos harakatlari ustidan ustunlikni ta’minlovchi tovar,
narx, taqsimlash, rag‘batlantirish sohasida marketing kompleksini tayyorlash bilan bog‘liq.
17.4. Korxona mahsulotlari ishlab chiqarishini tashkil etishda marketing tadqiqotlarini joriy etish va rivojlantirish.
Marketing tadqiqotlari tushunchasi va usullari. Marketing tadqiqotlari deganda turli
xil marketing muammolari, shu jumladan, bozor rivojlanishining o‘lchamlari va
tendensiyalari, u yoki bu marketing holatlariga javob reaksiyalari, shuningdek, firmaning
bozor rivojlanishi va marketingni boshqarish haqidagi ma’lumotlarni sistemali yig‘ish,
