Aylanuvchanlik koeffitsientimuayyan vaqt mobaynidagi aylanma mablag‘lar
miqdorini yoki berilgan davrdagi aylanma mablag‘larning har 1 so‘miga to‘g‘ri
keladigan mahsulot hajmini ko‘rsatadi.
Bir aylanmaning o‘rtacha davomiyligi- hisobot davri kunlarining
aylanuvchanlik koeffitsienti qiymatiga nisbati.
Amortizatsiya ajratmalari- asosiy vositalar qiymatidan (foydadan) ularning
emirilishini qoplash uchun to‘lanadigan ajratmalar.
Ijara - mulkni to‘lov evaziga ma’lum muddatga egalik qilish va foydalanishga
berish. bunga ijara shartnomasi (kontrakti) asos bo‘lib xizmat qiladi.
Ijara to‘lovi - ijara korxonasi oladigan tushumning ijara shartnomasida
avvaldan belgilab qo‘yilgan qismi. Absolyut summada belgilanadi va ijara
beruvchiga kelishilgan muddatlarda to‘lab boriladi.
Asosiy fondlarni takror ishlab chiqarish- eskirgan mehnat vositalarini pullik
ifodada tiklash va ularni naturada almashtirish, ishlab chiqarishni kengaytirish,
modernizatsiyalash va kapital ta’mirash uchun jamg‘arma fondini tashkil qilish.
Qarz beruvchi- ma’lum muddatga pul mablag‘larini qarzga beruvchi huquqiy
yoki jismoniy shaxs. qarz beruvchi qarzni bergan summasining ma’lum bir foizi
miqdoridagi to‘lovlar ko‘rinishida yoki kelishilgan holda sarflangan yokitexnik
resurslarning bir qismiga ega bo‘lish sharti bilan beradi.
Asosiy fondlarning emirilishi- asosiy fondlardan foydalanish jarayonida
ularning dastlabki ekspluatatsiya xususiyatlarini yo‘qotishi. Asosiy fondlarning
emirilishi ma’naviy va jismoniy ko‘rinishda bo‘ladi. Fan-texnika taraqqiyotining
bugungi sur’atlarida ko‘pchilik hollarda ma’naviy eskirish jismoniy eskirishdan
avvalroq yuz beradi.
