Dəyişkənlik (Variability) - Bölgü vaxtı qiymətlərin, yaxud göstəricilərin adətən orta göstəriciyə
nəzərən paylanması.
Diaqnostik şaxələnmə (Diagnostic branching) - Özünü təlimatlandırma. Sistem öyrənənə onun
seçməli olduğu alternativ cavabları təqdim edir. Nə öyrənmək istədiyini anlamadığını başqalarının
yanında istəmədən etiraf etməli olan şəxslər üçün bu, seminar/treyninq probleminin həlli baxımından
xüsusilə faydalı bir yoldur.
Diaqnostik test (Diagnostic Test) – Güclü, yaxud zəif cəhətlərin müəyyənləşdirilməsi və təhlili
üçün tətbiq olunan test. Təhsildə problemləri olan şagirdlərin (tələbələrin) müəyyənləşdirilməsi
məqsədi güdən diaqnostik testin nəticələrinə əsaslanaraq problemin aradan qaldırılması istiqamətində
tədbirlər görülür.
Didaktik təlim (Didactic instruction) - Nəqletmə vasitəsilə təlim. Didaktik təlim prosesində
müəllim şagirdə (tələbəyə) mövzu üzrə nə düşünməli olduğunu çatdırır. Şagirdin vəzifəsi isə
müəllimin dediklərini yadda saxlamaq və tələb olunanda ondan istifadə etməyi bacarmaqdır.
Dilin inkişafı (Language development) - Digər dillərlə qarşılıqlı əlaqə və elmi-texniki inkişafla
bağlı olaraq dildə baş verən dəyişikliklər.
Dil oyunu (Language game) - Spesifik kontekstlərdə, yaxud dil oyunları zamanı sözlərin
funksiyasından yeni mənanın əmələ gəlməsi.
Diplom (Diploma) - (fr. Diplôme, yun. Díplōma – ikiqatlanmış sənəd, diplóō – iki yerə qatlayıram). 1) ali və ya ali-ixtisas təhsil müəssisəsini bitirmək haqqında, elmi dərəcə və ya ad
verilməsi barədə sənəd. 2) Müəssisə, təşkilat və ya vətəndaşın müəyyən fəaliyyəti həyata keçirtmək
üçün verilən sənəd (məs. ticarət). 3) Müxtəlif məzmunlu müsabiqə, yarış, sərgi və s. nailiyyətlər üçün
mükafat.
Diploma əlavə (Diploma supplement) - Ali təhsil haqqında diploma əlavə olunmaqla keçilmiş
fənlər, onların növü, səviyyəsi, statusu və s. haqqında məlumatları özündə əks etdirən sənəd.
Beynəlxalq təhsil sahəsində şəffaflığın inkişafı, müvafiq ixtisas dərəcələrinin ölkələr tərəfindən
qarşılıqlı surətdə tanınması işini asanlaşdırmaq məqsədilə məzunlara diploma əlavələrin verilməsi
Avropa Birliyi, Avropa Şurası və UNESCO kimi beynəlxalq qurumlar tərəfindən dəstəklənir.
Diploma əlavə sənədi əsasən, iki dildə tərtib edilir.
