E Effektivlik (Effectiveness) - Öyrənən tərəfin təlimə olan ehtiyacını müsbət təsirlərlə təmin edən
məktəb, müəllim, tədris vəsaitləri və s. aid ümumi əlamət.
Effektiv (Səmərəli) məktəblər (Effective schools) – Təhsildə əldə etdiyi nəticələrlə təhsil alan
şagirdlərə müsbət təsir göstərən məktəblər.
Effektiv müəllim (Effective teacher) - Təlimdə nəzərdə tutulmuş nəticələrə uğurla nail olan
müəllim.
Effektiv təlim (Effective teaching) - Şagird və tələbələrin təlimdə nəzərdə tutulmuş nəticələri
uğurla əldə etmələrinə yönəlmiş təlim.
Ehtimal əmsalı (Guessing Parameter ) - Aşağı bilik səviyyəsinə malik şagirdin (tələbənin) hər
bir sualı təsadüfən düzgün cavablandırması ehtimalı. Bu ehtimal ayrı-ayrı tapşırıqlar üzrə fərqli ola
bilər. Ehtimal əmsalı bu amilləri nəzərə alan modelin yaradılmasına imkan verir.
Ehtiyacların qiymətləndirilməsi (Needs assessment) - Xüsusi vəziyyətdə məqsəd və şərtlərin
əlaqəli şəkildə dəyərləndirilməsi; məqsədlərin çatışmayan cəhət və mümkün dəyişikliklərlə əlaqəli
təhlili.
Ekskursiya (Field trip) – Şagirdlərin (tələbələrin) fənn üzrə təcrübi bacarıqlarının inkişafı
məqsədilə keçirilən məktəbdənkənar təcrübi iş.
Eksperimental təhsil (Experimental education) - Ənənəvi sinifdaxili təlimdən fərqli olaraq,
təcrübə, ekskursiya, interna və ya təcrübü yönümlü digər layihələrə əsaslanan təhsil.
Ekvivalent formalar (Equivalent Forms) – Eyni, yaxud oxşar məzmun və mürəkkəblik
dərəcəsinə malik olan, konkret qrup üçün çox yaxın orta qiymət göstəricisi müəyyənləşdirən iki və ya
daha çox test formalarından biri.
Emosional narahatlıq (Emosional disorder) – Şagirdlərin (tələbələrin) yüksək utancaqlıq,
həyəcan və asılılıq kimi göstəricilərlə səciyyələnən narahatlıq hissi.
