Orijinal adı: «Education Glossary»

İqtisadi Əməkdaşlıq və İnkişaf Təşkilatı (Organization for Economic Co-operation and 
Development, OECD) – 1948-ci ildə Fransada yaradılmış təşkilat. İqtisadi Əməkdaşlıq və İnkişaf 
Təşkilatı yüksək iqtisadi gəlirlərə və İnsan İnkişafı İndeksinə (Human Development Index - HDI) 
malik 30 ölkəni özündə birləşdirir və üzv ölkələrin forumu kimi fəaliyyət göstərir. Bu təşkilat 
müxtəlif dövlətlərin təhsil sistemlərində aparılan elmi tədqiqatlarla əlaqədar hesabatlar nəşr 
etdirməklə təhsil siyasətinə dəstək verir.
İstedadlı uşaqlar (Gifted children) - Öz qabiliyyətlərinə görə yüksək nailiyyət göstərən uşaqlar. 
Bu uşaqların inkişaf pеrspеktivləri хüsusilə оnların intеllеktual, akadеmik, bədii yaradıcılıq 
sahələrindəki pоtеnsial imkanları və uğurlarının səviyyəsi ilə müəyyən оlunur. Onlarda yaradıcı 
təfəkkür və yaradıcı təхəyyülün inkişaf səviyyəsi bu uğurların başlıca rəhni kimi qiymətləndirilir. 
Vaхtilə psixologiya elmi istеdadı qabiliyyətlərin inkişafı üçün zəruri оlan anatоmik-fiziоlоji imkanlar 
kimi nəzərdə tuturdu. Bu anlam tədricən köklü surətdə dəyişildi: hazırda istеdad fəaliyyətin səmərəli 
şəkildə icrası üçün şərt оlan qabiliyyətlərin özünəməхsus kоmplеksi kimi başa düşülür. 

---

- 22 - 
 
İstehsalat təcrübəsi (Field study) - peşə-ixtisas təhsilinin mütləq tərkib hissəsi, təhsil alanların 
konkret ixtisas hazırlığı üçün müvafiq standartlara uyğun praktiki fəaliyyəti.
 
İstiqamətləndirici  kəşf (Guided discovery) - Müəllimin yönəldici suallar verməklə istiqaməti 
müəyyənləşdirməsi, bilik və təcrübəsini məhz bu istiqamət üzərinə yönəltməsi. 
 
İştirak nisbəti (Participation rate) - Məktəbyaşlıların qeydiyyat sayının həmin yaş səviyyəsində 
olan əhali qrupunun ümumi sayına nisbəti.