Orijinal adı: «Education Glossary»

 
Qiymətləndirmə paketi (Assessment package) – Bir və ya bir neçə komponentdən ibarət 
ümumi qiymətləndirmə sxemi. Qiymətləndirmə paketi bir neçə komponentdən ibarət olduqda, 
ümumi bacarıq göstəricisi adətən ayrı-ayrı komponentlər üzrə balların cəmlənməsi yolu ilə əldə 
edilir. (bax: Qiymətləndirmə Komponenti və Ümumiləşdirmə).
Qiymətlərin hesablanması üçün optik cihaz (Optical Mark Recognition, OMR) – 
Qiymətlərin xüsusi formada hesablanması üçün optik oxuyucu. Bu cihaz şagirdlərə müxtəlif cavab 
variantları olan suallara cavablarını avtomatik şəkildə daxil etmək imkanı yaradır.

---

- 27 - 
Qiymətləndirmə sxemi (Marking Scheme) - Şagirdlərin cavablarına əsasən qiymətlərin 
verilməsinə dair göstərişlər. Bu göstərişlər obyektiv və yarıobyektiv tapşırıqlar üçün təfərrüatı ilə, 
açıq və subyektiv tapşırıqlar üçün isə ümumi təsvir kimi təqdim edilə bilər (bax: Diapazon Deskrip-
torları).
Qiymətləndirmə tapşırığı (Assessment task) - Şagirdlərə öz bilik və bacarıqlarını nümayiş 
etdirmək imkanı vermək məqsədilə xüsusi olaraq işlənib hazırlanmış tapşırıq. Belə bir tapşırıq bir, 
yaxud bir neçə öyrətmə/qiymətləndirmə məqsədinin reallaşmasına yönəldilməlidir. 
Qiymət verən (Rater) - Konkret meyarlara istinadən şagirdin (tələbənin) nəticəsinə qiymət verən 
şəxs.
 
Qiymət verənin etibarlılığı (Rater Reliability) - İki və daha çox qiymət verənin rəyinin üst-üstə 
düşmə dərəcəsi.
 
Qiymət verənlərin hazırlanması (Rater Training) - Qiymətləndirmə prosesində şəffaflıq, 
etibarlılıq və səmərəliliyin təmin olunması üçün qiymət verənlərin hazırlanması prosesi.
Qiymət verənlər konkret qiymətləndirmə meyarları ilə tanış edilir. Təlimçi ilə namizədlər 
arasında aparılan açıq diskussiyalar qiymətləndirmə meyarları və işin yerinə yetirilmə standartlarının 
aydınlaşmasına kömək edir. Həmçinin, bu diskusiyalar sayəsində qiymət verənlər şagird işinin 
qiymətləndirilməsində meyarları tətbiq etmə təcrübəsinə yiyələnirlər. Qiymət verənlərin hazırlanması 
çox vaxt onların etibarlılığının qiymətləndirilməsini də özündə birləşdirir. Belə ki, qiymət verənlər 
şagirdlərin işini qiymətləndirmək üçün bu mərhələdən də keçməlidirlər.
Böyük Britaniyada bu prosesi qiymət verənlərin standartlaşdırılması adlandırırlar.