Orijinal adı: «Education Glossary»

Attestasiya (Assessment) – (lat. dilindən attestatio – şəhadətnamə) - hər bir təhsil pilləsi və 
səviyyəsində təhsilalanların təlim nailiyyətlərinin və təhsilverənlərin fəaliyyətinin qiymətləndirilmə 
qaydası. 
 

---

- 7 - 
Asanlıq indeksi (Facility value) - Tapşırığın asanlıq səviyyəsini 0-dan 1-ə qədər şkalada 
müəyyən edən statistik göstərici; bəzən çətinlik dərəcəsi və ya p göstəricisi kimi adlandırılır. Asanlıq 
indeksi 0.0 olan tapşırıq ən çətin, asanlıq indeksi 1.0 olan tapşırıq isə ən asan tapşırıq hesab edilir.
 
Aspirantura (Postgraduate Study) – (lat. dilindən Aspiro - cəhd edirəm, yaxınlaşmağa 
çalışıram) - elmi işçilərin hazırlanma forması. Əksər xarici ölkələrdə aspiranturaya uyğun təhsil 
universitet daxilində xüsusi mərkəzlərdə həyata keçirilir. Aspirantura təhsili aspirant tərəfindən 
yerinə yetirilmiş elmi-tədqiqat işinin müdafiəsi və müvafiq elmi dərəcənin (adətən doktor) alınması 
ilə yekunlaşır. 
 
Audiovizual materiallar (Audiovisual materials) – müasir tədris prosesində çox geniş yayılmış 
ekran və səs avadanlıqlarından ibarət olan xüsusi texniki dərs vəsaitləri. Bura diaproyeksiyalar 
(diafilm və diapozitivlər), epiproyeksiyalar (episkoplar vasitəsilə kağızda yazılmış və ya çəkilmiş 
şəkil, çertyoj və s. ekranda nümayişi), kodproyeksiyalar, səs ləvazimatı, tədris kino və televiziya 
filmləri, audio/video lentlər, kompakt/rəqəmsal disklər və s. daxildir.  
Avrodik (EURYDICE) - Əsası 1980-cı ildə qoyulmuş, 1995-ci ildən etibarən “Sokrat” Təhsildə 
Birlik Hərəkatı proqramının tərkib hissəsi kimi fəaliyyət göstərən EURYDİCE Avropada təhsil üzrə 
informasiya şəbəkəsidir. EURYDİCE təhsil sistemlərinin ümumi və fərqli xüsusiyyətlərinə xüsusi 
diqqət yetirən müşahidəçi rolunu oynayır, milli təhsil sistemləri üzrə müqayisəli məlumatlar təqdim 
edir.