Orijinal adı: «Education Glossary»

Təhsil islahatı (Educational reform) - Mövcud olan təhsil sistemini tədricən dəyişərək 
təkmilləşdirmək cəhdi. Hər hansı bir məktəbdə konkret fənn üzrə təlim metodunun inkişaf etdirilməsi 
və ölkənin bütöv məktəb sisteminin nəzərdən keçirilməsi kimi kiçik yaxud geniş miqyaslı müxtəlif 
proseslər təhsil islahatı hesab edilə bilər.
Təhsildə qiymətləndirmə (Educational assessment) – bax: Qiymətləndirmə. 
 
Təhsilin dəyərləndirilməsi (Educational evaluation) – Təhsilin müxtəlif aspektlərinin, və 
yaxud tətbiq olunan layihələrin, proqramların dəyərləndirmə prosesi və ya müəssisələr ilə əlaqəli 
yerinə yetirilən tədqiqat.
 
Təhsilin istorioqrafiyası / tarixi (Historiography of education) - Öz metod və 
nəzəriyyələrinin, üzərlərinə düşən vəzifələrin, təhsil sistemindəki bütün dəyişikliklərin təhsil 
tarixçiləri tərəfindən təyin edilməsi və sistemləşdirilməsi. 
 
Təhsil media resursları (Educational media) - Müxtəlif növ kommunikativ təlim materialları, 
məsələn, filmlər, diafilmlər, fotoşəkillər, lent yazıları, çap materialları, qrafiklər, CD-ROMlar, 
kompüter və digər rəqəmli vasitələr.
Təhsil Nailiyyətlərinin Milli Qiymətləndirilməsi (National Assessment of Educational 
Progress (NAEP) - 1969-cu ildən etibarən dövlət və özəl tipli ibtidai və orta məktəblərdə ABŞ 
şagirdlərinin oxu, riyaziyyat, təbiət elmləri, yazı, tarix və coğrafiya da daxil olmaqla bir sıra fənlər 
üzrə bilik və bacarıq səviyyəsinə dair məlumatların toplanılması və nəşr edilməsi ilə məşğul olan 

---

- 48 - 
ABŞ Təhsil Departamenti yanında Təhsil Statistikası üzrə Milli Mərkəzin Layihəsi. Bu, “ölkənin 
müvəffəqiyyət cədvəli” adlanır. Layihə 1992-ci ildən genişləndirilmişdir və hazırda böyüklərin 
savadlılıq səviyyəsi məsələsini də əhatə edir.