Orijinal adı: «Education Glossary»

 
Məktəbəqədər tərbiyəçi müəllim (Pre-school assistant) – Məktəbəqədər təhsil müəssisəsində 
vəzifəsi uşaqlara qayğı göstərməkdən, onların öyrənmə fəaliyyətinə yardım etməkdən ibarət olan 
müəllim.
Məktəbdənkənar fəaliyyət (Extra-curricular) – mədəni-maarif, digər təşkilatlar tərəfindən 
şagirdlər ilə keçirilən təlim-tərbiyə işləri; şagirdlərin asudə vaxtının dəyərləndirilməsi, nəzarətsizlik 
ilə mübarizə. Məktəbdənkənar fəaliyyət şagirdlərin maraqlarını nəzərə almaqla onların könüllü 
iştirakı, aktivliyi və müstəqilliyi üzərində həyata keçirilir və onlarda liderlik, komandada işləmək 
bacarığı, yaradıcılıq və s. vərdişləri inkişaf etdirir. 
 
Məqsədlərin taksonomiyası (Taxonomy of objectives) – Təlim məqsədlərinin şəbəkəli 
(iyerarxik) və ya sistemli təsnifatına taksonomiya deyilir. 
 
Məlumat bankı (Data bank) - İstifadə üçün faydalı olan məlumatların toplandığı baza. Bu 
termin kompüter texnologiyalarının vasitəsilə istifadəsi mümkün olan məlumat ehtiyatı kimi də başa 
düşülür. 
 
Məlumatların hazırlanması / məlumat xidmətləri (Data processing/information services) – 
Təhsildə məlumat bazası idarəetmə sistemlərinin yaradılması məqsədilə müvafiq məlumatların 

---

- 31 - 
toplanması, sistemləşdirilməsi, emalı. Həmin məlumatların qorunması, mübadiləsi, onlardan operativ 
qaydada istifadəyə imkan yaradan proqram təminatının formalaşdırılması, məlumatların idarə 
edilməsi və s. məsələlər də bu prosesə aiddir. 
Məlumat İdarəetmə Sistemi (Management İnformation Sistem, MIS) Məlumat İdarəetmə 
Sistemi tədris müəssisəsi daxilində məlumatın toplanması, işlənməsi, təhlili, təqdim olunması və 
istifadəsini idarə edən struktur və üsulların kompleksi. 
 
Məlumat lövhəsi (Message board) – Auditoriyanı maraqlandıra biləcək məlumat və yaxud 
elanların şagird (tələbə), müəllim yaxud məktəb rəhbərliyi tərəfindən yerləşdirilməsi üçün nəzərdə 
tutulmuş yer.