Roma İştirak Proqramı (Roma Participation Programme) - 1997-2007-ci illərdə Mərkəzi və
Şərqi Avropa ölkələrinin inteqrasiya prosesində Romanın qeyri-maliyyə sektorunun inkişafını
dəstəkləməklə Roma əhalisinə köməyini təmin etmək məqsədilə hazırlanmış proqram.
2008-ci ildə öz fəaliyyətini Roma Təşəbbüskar Qrupu ilə birləşdirən bu program, romalılara öz
həyatlarını qurmaq, ehtiyaclarını müstəqil şəkildə təmin etmək, onlarla bağlı qərarların qəbulunda
iştirak etmək, demokratik proseslərdə bərabər əsaslarla öz iştirakının təmin olunmasını dövlətdən
tələb etmək səlahiyyəti verir.
Rubrika (Rubric) - Tapşırığın yerinə yetirilməsi səviyyəsinin müəyyənləşdirilməsi üçün
differensial dərəcələnməyə əsaslanan qiymətləndirmə vasitəsi.
S Sağlamlıq təhsili (Health education) - İnsan sağlamlığı üzrə təhsil; məktəbdə şagirdlərin
sağlamlığının təmin olunması ilə bağlı aparılan tədris fəaliyyəti.
Saxlama norması (Retention rate) - Konkrettədris ilində qeydiyyata alınan şagirdlərin sayının
növbəti ildə tədris kursunu davam etdirəcək şagirdlərin sayına nisbəti.
Savadlanma (Literacy) - Yaşlıların işdə, evdə, yaxud ictimai biriklərdə qarşılaşdığı məsələləri
həll etmək üçün lazım olan oxu və yazı bacarıqları da daxil olmaqla informasiyanı qəbul etmək və
ötürmək bacarığı.
Savadlanma norması/ Savadlı əhali faizi (Literacy rate) - İstənilən dildə sadə xəbəri yazmağı
və oxumağı bacaran insanların sayının əhalinin ümumi sayına faiz nisbəti.
Savadlı insan (şəxs) (Literate) - Öz ana dilində oxumaq və yazmağı bacaran və bu imkandan
reallığı öyrənmək vasitəsi kimi istifadə edən insan.
Savadsızlıq (Illiteracy) -Oxumağı və yazmağı bacarmamaq. Bir zamanlar adını yaza
bilməyənlər savadsız hesab olunurdusa, hal-hazırda savad testlərinin minimal nəticəsi imkanı kimi
gündəlik tapşırıqları yerinə yetirmək bacarığı ilə müəyyənləşir məs., insanların avtobusun vaxt
cədvəlini oxuyub-oxuya bilməmək, istafadə etmə bacarıqsızlığı (funksional savadsızlıq).
