Orijinal adı: «Education Glossary»

 
Sürət testi (Speed Test) – Qiymətləndirmənin müəyyən vaxt müddətində düzgün yerinə yetirilən 
tapşırıqların sayına əsasən aparıldığı test. (bax: Bacarıq Testi). 
 
Ş 
Şagirdlərin (Tələbələrin) Beynəlxalq Qiymətləndirilməsi üzrə Proqram (PİSA-Programme 
for International Students Assessment) - İqtisadi Əməkdaşlıq və İnkişaf Təşkilatının əsasən Cənub 
Qərbi Avropa ölkələrində tətbiq etdiyi könüllü beynəlxalq proqram. PİSA proqramı bu ölkələrə yeni 
əsrdə şagirdlərin (tələbələrin) bacarıq və biliklərinə nəzarət etmək, təhsil sistemlərində aparılan 
islahatlar haqqında müqayisəli şəkildə məlumat toplamaq imkanı yaratmaqla bərabər məktəblərin 
şagirdlərin gələcəkdə qarşılaşa biləcəyi çətinliklərə onları necə hazırlaşdırdığını araşdırmağa cəhd 
göstərir. PİSA - 3 sahəni əhatə edir: 1) oxuma savadı (2002); 2) riyazi savad (2003); 3) elmi savad 
(2006).
 
Şagirdlərin son sinfə çatma nisbəti (Cohort survival rates) – Təlim prosesinin ilk mərhələsinə 
qoşulan şagirdlərin ümumi sayının, təlim prosesinin son mərhələsinədək təhsilini davam edən 
şagirdlərin ümumi sayına olan nisbəti. 
 
Şagirdyönümlü məktəb (Child-centered school) – Təlimin şagirdlərin fərdi maraq, ehtiyac və 
imkanları üzərində qurulduğu, öyrənmə prosesində əsasən təcrübəyə üstünlük verilən məktəb. 
 
Şagird-dərslik nisbəti (Student-textbook ratio) – Müvafiq dərs ilində tələbələrin ümumi 
sayının fənlər üzrə kitabların ümumi sayına olan nisbəti.
Şagirdlik\istehsalat şəraitində təhsil (Apprenticeship) - Öyrənən subyektin peşəkar inkişafı 
üçün cavabdehliyi öz üzərinə götürmüş usta, sənətkar, yaxud mütəxəssis-müəllimlərin rəhbərliyi 
altında həyata keçirilən və xüsusilə də konkret bir sahədə təcrübi bacarıqların mənimsənilməsinə 
yönələn təlim prosesi.