Orijinal adı: «Education Glossary»

 
Test (Test) - 1. Şagirdin bilik və bacarıq səviyyəsini yoxlamaq üçün izah edilə bilən işin (icranın) 
kəmiyyətini müəyyən edən cavabların əldə olunması məqsədilə hazırlanan sistemli məsələ, yaxud 
suallar silsiləsi. 2. Ölçü, misal üçün: dinləmə testi, statistik test. 3. Bir şeyin həqiqiliyini və 
dəqiqliyini müəyyən edən meyar. 4. Fərziyyənin məntiqə uyğun olduğunu müəyyən etmək üçün 
tətbiq edilən üsul. 
 
Test bəndi (Test item) – Test, yaxud yoxlamada imtahan verənin cavabını aydınlaşdırmaq üçün 
hazırlanmış fərdi sual, problem və ya tapşırıq.
 

---

- 45 - 
Test dərsliyi (Test manual) - Xüsusi test cavablarını izahlı şəkildə aydınlaşdıran məlumat kitabı. 
 
Testə meyllilik (Test bias) - Ölçülən konstrukta əsasən müqayisə edilən iki və ya daha çox 
qrupun test qiymətlərində və ya həmin qiymətlərə dair proqnozlarda olan fərqlər (bax: Yanlış Olan 
İlkin Qənaət).
 
Test növləri (Test types): İstifadə məqsədinə görə adlandırılan testlər. Test növləri aşağıdakı 
kimi təsnif edilir:
A) Nailiyyətlər testi (Achievement test) - Sinifdə öyrədilən materialın öyrənənlər tərəfindən necə 
mənimsənilməsini müəyyən etmək üçün istifadə edilən test növü. Bu növ testlər çox vaxt ya rübün / 
semestrin ya da dərs ilinin sonunda keçirilir.
B) Diaqnostik test (Diagnostic test) - Dil öyrənənlərin problemlərini müəyyən etmək üçün 
istifadə edilən test növü. Bu testin köməyi ilə müəllim öyrənənlərin biliklərinin güclü və zəif 
tərəflərini diaqnoz edərək öyrənir ki, bu da müəllimə gələcəkdə nəyi öyrətməyi planlaşdırmaqda 
yardımçı olur.
C) Məqsədli test (Objective test) –İmtahan verənin fikrini nəzərə almadan onun cavablarının 
qiymətləndirilməsi. Belə testlərdə öyrənən düzgün hesab etdiyi cavablardan birini işarələyir.
D) Yerləşdirmə testi (Placement test) –Dərs ilinin əvvəlində şagird və ya tələbələrin bilik və 
bacarıq səviyyələrini müəyyənləşdirməklə onları öz səviyyələrinə uyğun qrup, yaxud siniflərə təyin 
etmək üçün istifadə edilən test növü;
E) Sumativ test (Summative test) – Təlimin sonunda istifadə edilən ümumiləşdici test növü;
İ) İnkişaf testi (Progress test) - Mənimsəmənin hansı səviyyədə olmasını müəyyən etmək 
məqsədi ilə təlim ərəfəsində istifadə edilən test növü.