Қорин чурралари

Chov retsidiv churralari. (heznia inguinalis recidiva). 
Chov churralarning retsidivi hozirgi gerniologiya fanining muhim muammolaridan hisoblanadi. 
Bizning kuzatuvimiz va adabiyotlardagi ma‟lumotlarga asoslanib har 9-10 churra bilan operatsiya 
qilingan bemorlarda retsidiv kuzatilmokda. Ayrim holatlarda chov churrasini operatsiya qilishdan 
keyin 2marta – hatto 3 marta retsidiv berganligi kuzatiladi. Bu o`ta og'ir chov churralari – bo‟lib, 
ularni davolashda xirurgdan juda katta mas‟uliyat va mahorat talab qiladi. Chov churralarining 
retsidivi bo‟lishida har xil sabablar ko‟p: 
1. 
Operatsiyagacha bo‟lgan sabablar . 
2. 
Operatsiyaning xiliga va uni bajarishdagi texnik usullariga. 
3. 
Operatsiyadan keyingi davrdagi sabablar. 
1. 
Birinchi guruh sabablarga A) chov sohasida deyarli katta o'zgarishlar bo‟lganiga qaramay
operatsiyaning kech qilinishi. Xirurgiyaning postuldatlaridan biri. 
Churra kancha uzoq davom etsa, shuncha chov kanalida morfologik o'zgarishlar chuqur 
bo‟ladi. Albatta bunday churralarda retsidiv ko‟p bo‟ladi. 
B) ikkinchi bemorning yoshi. Ayniqsa qari yoshdagi bemorlarda chov sohasidagi 
to‟qimalarda degenerativ o'zgarishlar ko‟p retsidiv bo‟lishiga olib keladi. 
S) Churra bilan yurgan bemorlarda surunkali kasalliklar (prostata bezi gipertrofiyasi, siydik 
yullari strikturasi, surunkali qabziyat, surunkali bronxit, o'pka empiyemasi va xokazolar)ning paydo 
bo‟lishi. 
D) Operatsiyadan oldingi davrda bemorlarni yaxshi tekshirmaslik, har xil infeksion
kasalliklar, surunkali tonzillit, yiringli kasalliklar bilan sanatsiya qilmasdan operatsiya qilish. 
2. Ikkinchi guruh retsidivlar sababiga: 
A. Operatsiya usulini churra hosil bo'lishdagi patogenetik sharoitlarni hisobga olmay, 
noto‟g‟ri tanlash. Masalan to‟g‟ri va retsidivli chov churralarida chov kanalining oldingi devorini 
mahkamlash, kengaygan chov kanali teshigini va chov oraligi yuqoriligini hisobga olmaslik. 
B. Operativ texnikadagi qo‟pol defektlar: yaxshi gemostaz qilmaslik, churra xaltasini 
cho`ltog`ini uzun qoldirish, boshqa churralarni ko`rmasdan qoldirish, iplarning sitilishi, to‟qimalarni 
yaxshi tikmaslik, tomirlar va nervlarning jaroxati. 
Alloplastik qilinganda yuqori to‟qimalar reaksiyasini beradigan plastik materiallar ishlatilishi. 

---

3.Uchinchi guruh retsidiv sabablari bo‟lib operatsiya yarasining yiringlashi, bemorlarda
yarada yaxshi chandiq hosil bo'lmasdan yuklama berish, operatsiyadan keyingi davrda og'ir jismoniy 
mehnat qilish. 
Shunday qilib retsidivni profilaktika qilishning eng muhim omillari operatsiyadan oldingi 
davrni to‟g‟ri o'tkazish, individual holda deferensiallangan operatsiya usulini qo'llash, operatsiya 
qilish texnikasini takomillash, operatsiyadan keyingi, erta va kechki vaqtlarda jismoniy 
Zo‟riqishlarni chegaralashdan iborat. 
Eng ko‟p retsidiv beradigan churralar sirasiga to‟g‟ri chov, sirpanuvchi va katta chov 
churralari kiradi. Bemorlarda qayta retsidiv bo'lish moyilligi hozirgi kunda 40-42%-ni tashkil qiladi.