O‘rta maxsus, kasb-hunar ta’limi markazi d. R. Abdikarimova, G. M. Bekimbetova ko‘chmas mulkni baholash

O‘rnini qoplash fondining omili – davrlarning ma’lum sonidan
so‘ng foizning berilgan qo‘yilmasi sharoitida jami qoldiq 1 so‘mni tashkil
etishi uchun davriy tarzda deponlashtirish zarur bo‘lgan pul summasini
ko‘rsatuvchi hisob raqami.
O‘rin qoplash fondi – hisob uchun davriy pul to‘lovlari, hisobiy
mablag‘lar ustiga qo‘shib hisoblangan foizlar bilan birga aktivlarni
almashtirish yoki qarzlarni uzish uchun foydalaniladi.
Qadrsizlanish – qarang: Yemirilish.
Qayta sotilish narxi – egalik qilish davrining oxirida aktiv sotilishidan
tushgan yalpi summa.
Qiyoslash usuli – sotuvlarning to‘g‘ridan to‘g‘ri qiyosiy tahliliga
yondashish.
Qiyosiy birlik usuli – umumiy olingan asosiy inshootning 1 kv metri
yoki boshqa birlikning to‘la qiymatini aniqlash orqali binoni qurishga
ketgan xarajatlarni baholash usuli.
Qiyosiy birlik – baholanayotgan mulk va solishtiriluvchi obyektlar
uchun umumiy o‘lchov birligi.
Qiymat – pulda ifodalangan tovar yoki xizmat qiymati.
Qiymatning so‘nggi bahosi – baholovchi ma’lumotlarni tahlil
etib chiqib, uchta asosiy yondashuv qo‘llanib olingan qiymatning

---

---

200
ko‘rsatkichlarini muvofiqlashtirib, qiymat haqida so‘nggi mulohazani

bildirganidan keyin chiqarilgan qiymatning bahosi.
Qiymatni baholash – vakolatli shaxs, ya’ni ko‘chmas mulkni tahlil
etadigan va baholaydigan mutaxassis tomonidan o‘tkaziladigan ko‘chmas
mulk obyektining, undan biror-bir shaxsiy manfaatning hisobiy yoki
ekspert qiymatlarini aniqlash.
Qoldiqli mahsuldorlik tamoyili – bu tamoyilga ko‘ra materiallar,
mehnat va tadbirkorlik harakatlari xarajatlari to‘langanidan so‘ng sof
daromadning yerga tegishliligi.
Foydalanish qiymati – mulkdan foydalanishning ma’lum
variantidagi mulk qiymati. Masalan, aniq bir bino keltiradigan
daromadga pul qo‘yish qiymati. Foydalanish qiymati bozor qiymatidan
farq qilishi mumkin.