Oshxona mebeli standart, oddiy bo’lishi kerak, uy yoxud xonadonning oshxona hududini noan’anaviy, g’ayrioddiy va o’ziga xos qilib bo’lmaydi deb kim aytdi

Oshxona mebeli standart, oddiy bo’lishi kerak, uy yoxud xonadonning oshxona hududini noan’anaviy, g’ayrioddiy va o’ziga xos qilib bo’lmaydi deb kim aytdi? Noan’anaviy uslubdagi oshxona uyingiz interyerining asl ziynati bo’lishi, bunday oshxonada nafaqat taom tayyorlash, balki bo’sh vaqtni o’tkazish ham mumkin va shu maqsadda oshxona hududida qulay va yumshoq mebel bilan jihozlangan maxsus burchak tashkil qilish mumkin bo’ladi.
Nazokatli va o’ziga xos oshxona nafaqat o’z oila a’zolaringiz balki mehmonlaringiz ham afzalligiga ko’ra baholaydigan uyingizning xaqiqiy bezagi bo’lib qoladi. Ushbu oshxonalar taom tayyorlash uchun joy qanday bo’lishi zarurligi to’g’risidagi tasavvuringizni tubdan o’zgartirib yuboradi. Biroq o’zingiz ham orzuingizni amalga oshirib o’zingizga yoqqan tarzdagi mebelga buyurtma berishingiz mumkin.

Katta akvariumli g’ayrioddiy oshxona stoli

Bizning noyob oshxonalar ro’yxatimizda birinchi o’rni – Gollandiyalik dizayner Robert Kolenikdan cheklangan kolleksion nusxadagi betakror oshxona mebelidir. Oshxonaning noodatiy ishchi stoli ichiga tropik baliqlar va suv o’simliklari solingan, buning ustiga salqin moviy tus beradigan diod-chiroq yoritgichlar bilan jihozlangan ulkan to’g’ri burchakli akvariumni aks ettiradi.
Bu ishchi stolda taom tayyorlash uchun barcha kerakli narsalar – ishonchli va sifatli materialdan tayyorlangan qulay ishchi yuza, oshxona anjomlarini saqlash uchun sig’imli yashirin tokchalar mujassam.

Dizaynerlik stoli suvni almashtirish yoqi baliqchalarni boqish maqsadida yuqori ishchi panelni ko’tarish imkonini bera oladigan qo’shimcha maxsus pult bilan jihozlangan. Gollandiyalik dizayner tomonidan yaratilgan ushbu gayrioddiy stol dengiz va ummon ishqibozlariga albatta yoqadi, chunki xatto qishki mavsumda ham bunday mebelli oshxonada tropik va ekzotik plyaj muhiti xumronlik qiladi.
Akvariumga ega bo’lgan to’g’riburchakli ish stolning yuzasi qulay elektr plitasi, shuningdek rakovina bilan jihozlangan. Ishchi stolning yoruq yuzasida bemalol sabzavotlarni yoki go’shtni to’g’rash mumkin, chunki stolning mustaxkam yuzasi hech qachon tirnalmaydi va sinmaydi.
Oshxona stoli yuzasi hech qanday toksik yohud boshqa zaharli ximikatlar bilan qoplanmagan va shuning uchun ham u mutlaqo xavfsiz sanaladi. Akvariumli bunday stol boshqa istalgan uslublar, xususan zamonaviy, minimalistik va klassik uslubdagi oshxona interyerining tugalligini ta’minlaydi.