Do`stona gapirsam, quloq soladi. Bu odatini tashlarmikan deb, qiziqishidan kelib chiqib, musiqa to`garagiga berdim. Qanday yo`l tutishga ham hayronman. «Agar yana o`g`irlik qilsang, umuman musiqa bilan shug`ullanmaysan», deb qo`rqitdim. Balki dadasi uzoqdaligi uchun (xorijga ketgan) tarbiyasiga ojizlik qilayapmanmi, deb o`ylab qolaman…
O’smir qiz gapg kirmasa..
16 yoshli qizim bor. Yoshi ulg`aygani sari gap uqtirish qiyin bo`lib borayapti. Kiyimga juda o`ch, qo`lidan, to`g`rirog`i, qulog`idan telefon tushmaydi. Yigitlar bilan gaplashayotganini sezaman. Urishsam, gap qaytaradigan odat chiqargan. «Siz tushunmaysiz, oyi, bular hozir moda», deydi tag`in. Otasidan biroz hayiqqani uchun o`zgarib qolganini aytsammikan deyman-u, to`g`risi, qo`rqaman…
Bolam mendan uyaladi
13 yoshli o`g`lim men bilan birga yurishga uyaladigandek tuyuladi. Bu menga juda alamli ta`sir qilayapti. Axir uni shuncha qiynalib dunyoga keltirdim, ulg`aytirdim, o`zimni butunlay unga bag`ishladim… Endi esa do`stlarining oldida men bilan birga ko`rinishni xohlamaydi. Nega bunday? Men nima qilishim kerak?
